సమంతపై మెగా హీరో క్రష్
cinema | Suryaa Desk | Published : Wed, Aug 16, 2017, 09:49 AM
మెగా ఫ్యామిలీ హీరో సాయి ధరమ్ తేజ్ తాజాగా సంచలన వ్యాఖ్యలు చేశారు. హీరోయిన్ సమంత అంటే తనకు ఎంతో ఇష్టమని, నాగ చైతన్య అడ్డు లేకుంటే సమంతను తాను ప్రేమించే వాడిని, ఆమెను ఒప్పించేందుకు ప్రయత్నించే వాడిని అని మెగా మేనల్లుడు వ్యాఖ్యానించారు. నక్షత్రం మూవీలో పవర్ ఫుల్ పోలీస్ ఆఫీసర్ పాత్రలో నటించిన సాయి ధరమ్ తేజ్ స్వాతంత్ర దినోత్సవం సందర్భంగా హైదరాబాద్లోని సెంట్రల్ రిజర్వ్ హెడ్ క్వార్టర్స్ పోలీస్ బెటాలియన్తో సరదాగా ముచ్చటించారు.ఈ సందర్భంగా మీకు ఇష్టమైన హీరోయిన్ ఎవరు? అని ప్రశ్నించగా... సమంత అంటే తనకు చాలా ఇష్టమని, ఎంతో మంచి అమ్మాయి, అందంగా ఉంటుంది, నాగ చైతన్య-సమంత మధ్య లవ్ రిలేషన్ లేకుంటే తాను ట్రై చేసే వాడిని అని సాయి ధరమ్ తేజ్ అన్నారు.తనకు ఇష్టమైన స్వాతంత్ర్య సమరయోధుడు భగత్ సింగ్ అని ఈ సందర్భంగా ఓ ప్రశ్నకు సమాధానం చెప్పారు సాయి ధరమ్ తేజ్. మెగాస్టార్ చిరంజీవి తర్వాత తనకు నచ్చిన హీరోలు రవితేజ, ప్రభాస్ అని తెలిపారు. రవితేజ ఎనర్జీ లెవెల్స్ బావుంటాయని, మల్టీస్టారర్ చేసే అవకాశం వస్తే రవితేజతో చేస్తానన్నారు. తన కో స్టార్లలో రెజీనా అంటే ఇష్టమన్నారు.
|
|