అప్పుడు బన్నీ.. ఇప్పుడు యష్... మీడియాకు క్షమాపణలు
cinema | Suryaa Desk | Published : Mon, Apr 11, 2022, 08:52 PM
సుకుమార్-అల్లుఅర్జున్ కాంబినేషన్ లో వచ్చిన పాన్ ఇండియా సినిమా 'పుష్ప'. రష్మిక మండన్నా కథానాయికగా నటించిన ఈ సినిమా సంచలన విజయాన్నందుకుంది. అయితే ఆ చిత్ర ప్రమోషన్స్ విషయంలో ఒక ఆసక్తికర సంఘటన చోటు చేసుకుంది. కర్ణాటక లో పుష్ప ప్రమోషన్స్ కు బన్నీ కాస్త ఆలస్యంగా రావటంతో ఒక విలేఖరి మీడియా ఎదుటనే 'ఇంత లేట్ గా వచ్చారు. ఇదేనా మీరు కన్నడ మీడియాకు ఇచ్చే గౌరవం' అని అడిగాడు. అయితే బన్నీ మాత్రం చాలా కూల్ గా స్పందించి కన్నడ మీడియాకు ఆ వేదికపైనే సారీ చెప్పి మంచి పేరును తెచ్చుకున్నాడు.
సేమ్ సీన్ ఇప్పుడు రిపీట్ అయింది. ప్రశాంత్ నీల్-యష్ కాంబోలో వస్తున్న 'కేజీఎఫ్ చాప్టర్ 2' మూవీ ప్రమోషన్స్ కోసం రెండురోజుల పాటు ఉభయ తెలుగురాష్ట్రాలలో కేజీఎఫ్ చిత్రయూనిట్ ప్రెస్ మీట్లు నిర్వహించారు. ఉదయం ఏడు గంటలకు తిరుపతి లో ప్రెస్ మీట్ ఉంటే యష్ ఎనిమిదిన్నకొచ్చారు. అలానే వైజాగ్ లో మధ్యాహ్నం పదకొండు గంటలకు ప్రెస్ మీట్ ఉంటే పన్నెండున్నకొచ్చారు. కన్నడ విలేఖరులు బన్నీ ని ప్రశ్నించినట్టే లేట్ గా ఎందుకొచ్చారంటూ తెలుగు విలేఖరులు యష్ ను ప్రశ్నించారు. సేమ్ బన్నీ లగే యష్ కూడా ఈగో చూపించకుండా చాలా కూల్ గా తెలుగు మీడియాకు క్షమాపణలు చెప్పారు. చిత్ర యూనిట్ ఎక్కడికి తీసుకెళితే అక్కడికెళుతున్నాను తప్పితే నేనెక్కడకు వెళుతున్నానో నాకు కూడా తెలియదు అంటూ తన ఆలస్యానికి గల కారణాన్ని మీడియాకు వివరించారు. కన్నడ మీడియాపై తెలుగు మీడియా పగ తీర్చుకుందని కొంతమంది సోషల్ మీడియాలో ఈ వార్తను వైరల్ చేస్తున్నారు.
|
|