ఆలియా పెళ్ళి కోసం స్పెషల్ ఫ్లైట్ ని బుక్ చేసిన RRR టీం?

బాలీవుడ్ ప్రేమ జంట ఆలియా - రణ్ బీర్ ల వివాహం ఏప్రిల్ 14 న జరగబోతుందని నార్త్ మీడియా జోరుగా ప్రచారం చేస్తోంది. అయితే ఆలియా కానీ, రణ్ బీర్ కానీ లేక వీరిరువురి తల్లితండ్రులు కానీ వివాహానికి సంబంధించి ఎటువంటి అధికారిక ప్రకటన చేయలేదు. కానీ ముంబై లోని ఆలియా, రణ్ బీర్ ల నివాసాలు మాత్రం గ్రాండ్ గా ముస్తాబవుతున్నాయి. ఇప్పటికే వీరు పెళ్లిలో ధరించే సబ్యసాచి డిజైన్ చేసిన బట్టలు కూడా రెడీ అయినట్టు తెలుస్తోంది. వీరి పెళ్ళికి కేవలం 28మంది అతిథులనే ఆహ్వానించినట్టు తెలుస్తోంది. కానీ తర్వాత ముంబైలోని తాజ్ మహల్ ప్యాలస్ లో సినీ సెలెబ్రిటీలు, సన్నిహితులు, మిగిలిన కుటుంబ సభ్యులకు ఆలియా -రణ్ బీర్ లు భారీగా పార్టీ ఏర్పాటు చేయబోతున్నట్టు తెలుస్తోంది.  

పోతే... ఇటీవలే ఆలియా ఆర్ ఆర్ ఆర్ లో నటించి దేశవ్యాప్తంగా ఉన్న తన క్రేజ్ ను మరింత పెంచుకుంది. అందులో ఆమె స్క్రీన్ స్పేస్ తక్కువైనా సీత పాత్ర సినిమాకు మరింత బాలాన్నిచ్చింది. అయితే ఈ సినిమాలో తన స్క్రీన్ ప్రెజెన్స్ తక్కువ గా ఉండటంతో ఆ చిత్ర దర్శకుడు రాజమౌళిపై ఆలియా అలిగిందని, ఇంస్టాగ్రామ్ లో ఆర్ ఆర్ ఆర్ ఫోటోలు డిలీట్ చేసిందని, రాజమౌళిని అన్ ఫాలో చేసిందని...ఇలా రకరకాల వార్తలు వచ్చిన విషయం తెలిసిందే. అయితే వీటినన్నింటిని ఆలియా ఉత్త పుకార్లే అని కొట్టిపారేసింది. ఏదిఏమైనా ఇప్పుడు ఆలియా పెళ్ళికి ఆర్ ఆర్ ఆర్ టీం హాజరవవుతుందా? అసలు ఆలియా ఆర్ ఆర్ ఆర్ టీం ను తన పెళ్ళికి ఆహ్వనిస్తుందా?అనే చర్చలు జోరుగా జరుగుతున్నాయి. 

అయితే... ఏప్రిల్ 14న జరగబోయే ఆలియా పెళ్ళికి ఆర్ ఆర్ ఆర్ టీం వెళ్లనుందని తెలుస్తోంది. ఇప్పటికే ఆర్ ఆర్ ఆర్ టీం ఒక స్పెషల్ ఫ్లైట్ ను ముంబైకు బుక్ చేసిందని టాక్.  రాజమౌళి, చరణ్, తారక్ వారివారి సతీమణులతో సహా ఆలియా-రణ్ బీర్ల వివాహానికి హాజరవబోతున్నట్లు తెలుస్తోంది. ఇప్పటికే 1000కోట్ల క్లబ్ లో చేరిన ఆర్ ఆర్ ఆర్ కు ఆలియా పెళ్లి కూడా ఒకరకంగా ప్రొమోషన్  అవబోతుందన్న మాట... .