రావణాసుర కొత్త షెడ్యూల్ పూర్తి... రవితేజ స్పీడ్ మాములుగా లేదుగా...

టాలీవుడ్ మాస్ రాజా రవితేజ వరస సినిమాలతో కెరీర్లో చాలా బిజీగా గడుపుతున్నారు. ఇటీవలనే ఆయన నటించిన ఖిలాడీ విడుదలై ఫ్లాప్ గా నిలిచింది. అయితే హిట్ కొట్టాలని కసితో ఉన్న రవితేజ ఏకంగా నాలుగు సినిమాలను సెట్స్ పైకి తీసుకెళ్లారు. ఈ మూవీస్ బ్యాక్ టు బ్యాక్ షెడ్యూల్స్ లో పాల్గొంటూ జెట్ స్పీడ్ తో వాటిని కంప్లీట్ చేస్తున్నాడు. 

శరత్ మండవ డైరెక్షన్లో రవితేజ నటిస్తున్న చిత్రం 'రామారావ్ ఆన్ డ్యూటీ'. దివ్యాన్ష కౌశిక్, రజీషా విజయన్ లు హీరోయిన్లుగా నటిస్తున్నారు. షూటింగ్ పూర్తి చేసుకున్న ఈ మూవీ ప్రస్తుతం నిర్మాణానంతర పనులను జరుపుకుంటుంది. పోతే... ఈ మూవీ జూన్ 17న విడుదల చేయబోతున్నట్లు చిత్రబృందం ఈ మధ్యనే అధికారికంగా ప్రకటించింది. నక్కిన త్రినాథరావు డైరెక్షన్ లో రవితేజ, శ్రీలీల జంటగా నటిస్తున్న చిత్రం 'ధమాకా'. ఈ మూవీ కి సంబంధించిన కీలక యాక్షన్ సీన్స్ ను ఇటీవలే కంప్లీట్ చేసారు రవితేజ. 

మెగాస్టార్ చిరంజీవి చేతులమీదుగా ప్రారంభమైన 'టైగర్ నాగేశ్వరరావు' సినిమా మంగళ వారం నుండి రెగ్యులర్ షూటింగ్ జరుపుకుంటుంది. కొత్త దర్శకుడు వంశీ తెరకెక్కిస్తున్న ఈ చిత్రాన్ని అభిషేక్ అగర్వాల్ నిర్మిస్తున్నారు. స్టూవర్టుపురం గజదొంగ గా పేరుమోసిన టైగర్ నాగేశ్వరరావు బయోపిక్ గా ఈ సినిమా రూపొందుతుంది. 

సుధీర్ వర్మ డైరెక్షన్లో రవితేజ, అను ఇమ్మాన్యూల్ జంటగా నటిస్తున్న చిత్రం 'రావణాసుర'. ఈ మూవీ షూటింగ్ ఫిబ్రవరిలో స్టార్ట్ అయింది. అభిషేక్ అగర్వాల్, RT టీం వర్క్స్ సంయుక్తంగా నిర్మిస్తున్న ఈ చిత్రంలో సుశాంత్ కీలక పాత్రలో నటిస్తున్నారు. ఇప్పటికే రెండు షెడ్యూల్స్ ను పూర్తి చేసుకున్న ఈ మూవీ తాజాగా మూడో షెడ్యూల్ ని కూడా విజయవంతంగా పూర్తి చ్చేసుకున్నట్లు తెలుస్తోంది. విభిన్న కథాకథనాలతో తెరకెక్కుతున్న ఈ మూవీ ని సెప్టెంబర్ 30న ప్రేక్షకుల ముందుకు తీసుకురాబోతున్నట్లు చిత్రబృందం తెలిపింది.