సరికొత్తగా కనిపిస్తున్న ఎన్టీఆర్!
cinema | Suryaa Desk | Published : Wed, Apr 13, 2022, 11:32 AM
ఆర్ఆర్ఆర్ ద్వారా భారీ విజయాన్ని అందుకున్న జూ.ఎన్టీఆర్ కీలక నిర్ణయం తీసుకున్నాడు. ఏప్రిల్ 11 నాటికి ఎన్టీఆర్ వెండితెరకు పరిచయమై 25 సంవత్సరాలు పూర్తయింది. రామ్చరణ్తో కలిసి మల్టీస్టారర్ చిత్రంలో ఆయన నటించిన ఆర్ఆర్ఆర్ రికార్డులు స్థాయిలో కలెక్షన్లను రాబట్టింది. విడుదలైన రెండు వారాల్లోనే రూ.1000 కోట్ల మార్కును ఆ సినిమా చేరుకుంది. ఈ సినిమా వల్ల రామ్చరణ్తో ఆయన స్నేహ బంధం మరింత బలపడింది. సినిమాలు పూర్తైన తర్వాత రామ్ చరణ్ దీక్షలు తీసుకుంటాడు. ఆయన సాన్నిహిత్యంతో ఎన్టీఆర్ కూడా భక్తిబాట పట్టాడు. నేటి నుంచి ఆంజనేయస్వామి దీక్ష తీసుకోనున్నాడు. 21 రోజుల పాటు సరికొత్తగా ఎన్టీఆర్ కనిపించనున్నాడు. ఇదిలా ఉండగా ఎన్టీఆర్ ప్రతిభను చూసిన బాలీవుడ్ ముక్కున వేలేసుకుంటోంది. నటనలోనూ, డ్యాన్స్లోనూ ఆయన ప్రతిభను బాలీవుడ్ ప్రముఖులు ప్రశంసిస్తున్నారు. ఆయనతో సినిమా చేసేందుకు బాలీవుడ్ అగ్రదర్శకుడు సంజయ్ లీలా భన్సాలీ ఉన్నట్లు ప్రచారం సాగుతోంది.
|
|