పెన్నీ సాంగ్ లో సీతూపాప... అసలు కారణమేంటంటే...?

'గీతాగోవిందం' ఫేమ్ పరశురామ్ డైరెక్షన్లో టాలీవుడ్ సూపర్ స్టార్ మహేష్ బాబు నటిస్తున్న యాక్షన్, కామెడీ చిత్రం సర్కారువారిపాట. ఇందులో కీర్తిసురేష్ కథానాయిక కాగా మ్యూజిక్ డైరెక్టర్ థమన్ స్వరాలనందించారు. ఇటీవలికాలంలో ఈ మూవీ నుండి విడుదలైన పాటలు ప్రేక్షకులను విపరీతంగా ఆకట్టుకుంటున్నాయి. ఫస్ట్ సింగిల్ గా విడుదలైన కళావతి మెలోడీ లవర్స్ ను ఆకర్షిస్తే, ఆ తర్వాత విడుదలైన పెన్నీ సాంగ్ అందరినీ అలరిస్తుంది. ముఖ్యంగా ఈ పాటలో సీతుపాప ప్రధాన ఆకర్షణగా నిలిచింది. పోతే... అసలు పెన్నీ సాంగ్ లో సితార కనబడటానికి అసలు కారణమెవరో తెలుసా?... మ్యూజిక్ డైరెక్టర్ థమన్.  ఈ విషయాన్ని స్వయంగా నమ్రత ఒక ఇంటర్వ్యూలో తెలిపారు. సోషల్ మీడియాలో చురుగ్గా ఉండే సితార అప్పుడప్పుడూ తను చేసిన రీల్స్ ను కూడా పోస్ట్ చేస్తూ ఫ్యాన్స్ ను ఖుషి చేస్తుంటుంది. అలానే ఒకసారి కళావతి సాంగ్ కి స్టెప్పులేసిన రీల్ ను సోషల్ మీడియాలో పోస్ట్ చేసింది. 

అది చూసిన థమన్ పెన్నీ సాంగ్ కోసం సితార ను  తీసుకుంటే బావుంటుందని మహేష్ తో అన్నాడట. ఈ విషయాన్ని తమ డిన్నర్ టైంలో నమ్రతకి, సితారకి మహేష్ చెప్పగా, అది విన్న సితార ఎగిరి గంతేసిందట. 'నాన్నా అది చాలా ఫన్ గా ఉంటుంది. నాకు పెన్నీ సాంగ్ చేయాలనుంది " అని రిప్లై ఇచ్చిందట. కూతురి కోరికను కాదనలేక మహేష్, నమ్రతలిద్దరూ ఒప్పుకున్నప్పటికీ, మరో పక్క తమ గారాలపట్టి సిల్వర్ స్క్రీన్ మీద మొదటిసారిగా కనబడబోతుంది, ప్రేక్షకులు ఎలా రిసీవ్ చేసుకుంటారో అని టెన్షన్ పడ్డారట. పెన్నీ సాంగ్ విడుదలైన తర్వాత సితార అమేజింగ్ పెర్ఫార్మన్స్ కి ఆడియన్స్ ఫిదా అవ్వటంతో మహేష్,నమ్రత చాలా హ్యాప్పీగా ఫీల్ అయ్యారట.  తాజాగా శ్రీరామనవమి సందర్భంగా సితార చేసిన కూచిపుడి డ్యాన్స్ రీల్ ను మహేష్ సోషల్ మీడియాలో షేర్ చేసారు. దానికి కూడా ప్రేక్షకులను నుండి విపరీతమైన స్పందన దక్కింది.