విజయ్ 'బీస్ట్' టాక్ ఎలా ఉందంటే....!

'వరుణ్ డాక్టర్' ఫేమ్ నెల్సన్ దిలీప్ కుమార్ దర్శకత్వంలో కోలీవుడ్ స్టార్ హీరో విజయ్ నటించిన స్పై,యాక్షన్ థ్రిల్లర్ మూవీ బీస్ట్. సన్ పిక్చర్స్ బ్యానర్ పై కళానిధి మారన్ నిర్మించిన ఈ చిత్రంలో పూజా హెగ్డే కథానాయికగా నటించింది. అనిరుధ్ రవిచంద్రన్ సంగీతం అందించిన ఈ సినిమా ఏప్రిల్ 13న అంటే ఈ రోజు, తమిళ, తెలుగు, మలయాళ, హిందీ భాషల్లో ఏకకాలంలో విడుదలైంది. ఈ సినిమా నుండి రిలీజైన పాటలు, ట్రైలర్ సినిమా మీద అంచనాలు పెంచేసాయి. ఇప్పటికే సినిమా చుసిన వాళ్ళు ట్విట్టర్ లో తమ రివ్యూలను ఇస్తున్నారు. 

బీస్ట్ కథ విషయానికొస్తే... ఒక షాపింగ్ మాల్ లో చొరబడ్డ ఉగ్రవాదులు అక్కడి ప్రజలను బందీలుగా చేసుకుని ఆ రాష్ట్ర ప్రభుత్వాన్ని తమ కోరికలను తీర్చమని డిమాండ్ చేస్తారు. అయితే ఆ మాల్ లో స్పై ఏజెంట్ వీర రాఘవన్ (విజయ్) ఉన్నాడని తెలుసుకున్న ప్రభుత్వం అతని ద్వారా తమ రెస్క్యూ ఆపరేషన్ ను చేసి, ఉగ్రవాదుల నుండి అక్కడి ప్రజలను ఎలా సంరక్షించారనేదే కథ. విజయ్ మాస్ యాంగిల్ ను స్టైలిష్ గా ప్రాజెక్ట్ చేయటంలో దర్శకుడు దిలీప్ కుమార్ విజయం సాధించలేకపోయాడని, పూజా హెగ్డే మూడు సీన్లు, రెండు పాటలకే పరిమితమైందనీ, అసలు ఆమె క్యారెక్టర్ కి సినిమాలో స్కోప్ లేదనీ ట్విట్టర్ రివ్యూల ద్వారా తెలుస్తోంది. అయితే ఈ సినిమాలో కామెడీ సీన్స్ బావున్నాయనీ, ఆ ఒక్క విషయంలో తప్పా మరెక్కడా నెల్సన్ మార్క్ కనిపించకపోవడం బీస్ట్ కు మైనస్ అని కొంతమంది అంటున్నారు. అయితే విజయ్ ఎంట్రీ సీన్ ఫ్యాన్స్ కు చాలా నచ్చుతుందని, మనోజ్ పరమహంస సినిమాటోగ్రఫీ, అనిరుద్ సంగీతం సినిమాకి మెయిన్ అసెట్స్ అని ప్రొడక్షన్ డిజైన్ లో కానీ, ఆర్ట్ వర్క్ విషయంలో కానీ నిర్మాణ సంస్థ ఎక్కడా రాజీ పడకుండా బీస్ట్ సినిమాను నిర్మించారని ట్విట్టర్ రివ్యూల ద్వారా తెలుస్తోంది. అయితే ఇది కేవలం కొంతమంది ట్విట్టర్ రివ్యూల ఆధారంగా మాత్రమే చెప్పబడుతోంది. పూర్తి రివ్యూ రావాలన్నా, సగటు ప్రేక్షకుడు బీస్ట్ మూవీ ని ఎలా రిసీవ్ చేసుకున్నాడన్న విషయం తెలియాలంటే ఇంకా కొంచెం సమయం పడుతుంది.