తెలుగులో తొలిసారిగా డబ్బింగ్ చెప్తున్న నదియా... ఏ సినిమా కోసమంటే?
cinema | Suryaa Desk | Published : Wed, Apr 13, 2022, 12:46 PM
నదియా అత్తారింటికి దారేది సినిమాతో తెలుగులో క్యారెక్టర్ ఆర్టిస్టుగా సెకండ్ ఇన్నింగ్స్ ను ప్రారంభించిన నదియా వరస సినిమాలు చేస్తూ చాలా బిజీగా గడుపుతుంది. మంచి కథ, తన పాత్రకు సరైన గుర్తింపుంటేనే సినిమాలు చేసే నదియా తాజాగా నాచురల్ స్టార్ నాని హీరోగా నటిస్తున్న 'అంటే సుందరానికి' చిత్రంలో ఒక ముఖ్య పాత్ర పోషిస్తున్నట్టు తెలుస్తోంది. ఈ సినిమాలో తన పార్టు షూటింగును ఇటీవలనే పూర్తి చేసిన నదియా ఇప్పుడు డబ్బింగ్ పనులలో బిజీగా ఉందట.
పోతే... ఏ ఒక్క తెలుగు సినిమాకి ఇప్పటివరకు డబ్బింగ్ చెప్పని నదియా 'అంటే సుందరానికి' చిత్రం కోసం డబ్బింగ్ చెప్పటం విశేషం. విభిన్నమైన కథాకథనాలతో రూపొందుతున్న ఈ సినిమాలో ఆమె పాత్రకు సొంతంగా డబ్బింగ్ చెప్తేనే బావుంటుందని చెప్పి నదియాను బలవంతంగా ఒప్పించాడట చిత్రదర్శకుడు వివేక్ ఆత్రేయ. మలయాళ బ్యూటీ నజ్రియా నాజిమ్ హీరోయిన్ గా నటిస్తున్న ఈ చిత్రాన్ని మైత్రీ మూవీ మేకర్స్ బ్యానర్ పై నవీన్ యర్నేని, రవి శంకర్ నిర్మిస్తున్నారు. వివేక్ సాగర్ మ్యూజిక్ అందిస్తున్న ఈ చిత్రం జూన్ 10న ప్రేక్షకుల ముందుకు రాబోతుంది.
|
|