నాని తదుపరి చిత్రంలో తొలిసారి తెలుగులో డబ్బింగ్ చెప్తున్న ప్రముఖ నటి
cinema | Suryaa Desk | Published : Wed, Apr 13, 2022, 12:46 PM
వివేక్ ఆత్రేయ దర్శకత్వంలో నేచురల్ స్టార్ నాని ప్రస్తుతం "అంటే సుందరానికి" అనే క్రేజీ ప్రాజెక్ట్ చేస్తున్న సంగతి తెలిసిందే. ఎక్స్ప్రెషన్స్ క్వీన్ నజ్రియా నజీమ్, ఈ రొమాంటిక్ కామెడీ సినిమాతో టాలీవుడ్ లోకి ఎంట్రీ ఇస్తుంది. ఈ సినిమాలో నదియా, హర్ష వర్ధన్, సుహాస్, రాహుల్ రామకృష్ణ కీలక పాత్రలు పోషిస్తున్నారు. ఈ సినిమా షూటింగ్ పూర్తి చేసుకున్నట్లు మేకర్స్ కొన్ని రోజుల క్రితం వెల్లడించారు. అలనాటి హీరోయిన్ నదియా ఈ చిత్రంలో కీలక పాత్ర పోషిస్తుండగా, తొలిసారిగా తన పాత్రకు తానే డబ్బింగ్ చెప్పినట్లుగా సమాచారం. సాధారణంగా నదియా తనకు తానుగా డబ్బింగ్ చెప్పుకోదు కానీ దర్శకుడు వివేక్ ఆమెను డబ్బింగ్ చెప్పమని బలవంతం చేయడంతో నదియా చెప్పినట్లు వార్తలు వినిపిస్తున్నాయి. ఈ రోమ్-కామ్ సినిమాని మూవీ మేకర్స్ నిర్మిస్తుండగా, వివేక్ సాగర్ సంగీతం అందించారు. ఈ సినిమా జూన్ 10, 2022న ప్రేక్షకుల ముందుకు రానుందని మేకర్స్ వెల్లడించారు.
|
|