నేను ఎలా మాట్లాడాలో రాధిక నాకు నేర్పించింది : కేజిఎఫ్ నటుడు యశ్
cinema | Suryaa Desk | Published : Wed, Apr 13, 2022, 12:52 PM
కేజిఎఫ్ సినిమా ద్వారా జాతీయ స్థాయిలో ఎంతో గుర్తింపు పొందిన నటుడు యశ్ గురించి ప్రత్యేకంగా చెప్పాల్సిన పనిలేదు. కేజిఎఫ్ సినిమా ద్వారా అందరి దృష్టిని ఆకర్షించిన ఈయనకు విపరీతమైన ఫ్యాన్ ఫాలోయింగ్ పెరిగిపోయింది.ఇదిలా ఉండగా బాక్సాఫీస్ వద్ద సంచలన విజయం సాధించిన కేజిఎఫ్ చిత్రానికి సీక్వెల్ చిత్రంగా కేజిఎఫ్2 మరో 24 గంటలలో ప్రేక్షకుల ముందుకు రానుంది. ఈ క్రమంలోనే పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఇప్పటికీ ఈ సినిమా నుంచి విడుదలైన ట్రైలర్, టీజర్ పోస్టులు ప్రేక్షకులను విపరీతంగా ఆకట్టుకుని సినిమాపై భారీ అంచనాలు పెంచాయి. పాన్ ఇండియా స్థాయిలో విడుదల అవుతున్న ఈ సినిమా కోసం దేశవ్యాప్తంగా ఎంతో మంది ఎదురు చూస్తున్నారు. ఇక ఈ సినిమా విడుదలవుతున్న నేపథ్యంలో ఒక ఇంటర్వ్యూలో పాల్గొన్న యశ్ తన గురించి తన భార్య గురించి ఎన్నో ఆసక్తికరమైన విషయాలను వెల్లడించారు.ఈ సందర్భంగా యశ్ మాట్లాడుతూ.. తన భార్య రాధికా సపోర్ట్ తనకు ఎంతగానో ఉందని వెల్లడించారు.
రాధిక ఫ్యామిలీ, పిల్లలను ఎంతో చక్కగా చూసుకోవడమే కాకుండా నాకు చాలా సపోర్ట్ గా ఉంటుందని ఆయన తెలియజేశారు. నేను పక్క లోకల్, నాకు కన్నడ భాష తప్ప మరే ఇతర భాషలు వచ్చేవి కాదు. నేను ఎలా మాట్లాడాలో రాధిక నాకు నేర్పించింది. ముఖ్యంగా ఇంగ్లీష్ మాట్లాడటం కూడా రాధికానే నాకు నేర్పించిందని ఈ సందర్భంగా తన భార్య గురించి సంచలన వ్యాఖ్యలు చేశారు.ప్రస్తుతం నేను ఇలా ఉన్నాను అంటే కేవలం తన భార్య రాధిక సపోర్ట్ ఉండటం వల్లే అంటూ తన భార్య గురించి యశ్ ప్రశంసల వర్షం కురిపించారు.
|
|