ఈ వారం OTT లో అందుబాటులోకి రానున్న సినిమాలు
cinema | Suryaa Desk | Published : Wed, Apr 13, 2022, 01:27 PM
ఆడవాళ్లు మీకు జోహార్లు: కిషోర్ తిరుమల డైరెక్షన్ లో టాలెంటెడ్ హీరో శర్వానంద్ అండ్ కన్నడ బ్యూటీ రష్మిక నటించిన 'ఆడవాళ్లు మీకు జోహార్లు' సినిమా మార్చి 4న ప్రేక్షకుల ముందుకు రాగ అవేరేజ్ టాక్ తో నిలిచింది. ఫ్యామిలీ డ్రామాగా ట్రాక్ లో వచ్చిన ఈ సినిమాలో ఖుష్బు, రాధిక శరత్కుమార్, ఊర్వశి తదితరులు ముఖ్య పాత్రలు పోషించారు. ఈ సినిమా ఏప్రిల్ 14న సోనీలీవ్లో విడుదల కానుంది. రాక్ స్టార్ దేవి శ్రీ ప్రసాద్ ఈ సినిమాకి సంగీతం అందించారు.
గాలివాన: సస్పెన్స్ థ్రిల్లర్ ట్రాక్ లో రానున్న ఈ వెబ్ సిరీస్ ని 'తిమ్మరుసు' ఫేమ్ శరణ్ కొప్పిశెట్టి దర్శకత్వం వహించనున్నారు. సీనియర్ నటి రాధిక శరత్ కుమార్, సాయి కుమార్, చాందిని చౌదరి, చైతన్య కృష్ణ, తాగుబోతు రమేష్, నందిని రాయ్ తదితరులు ఈ వెబ్ సిరీస్లో కీలక పాత్రలు పోషిస్తున్నారు. ఈ వెబ్ సిరీస్ ఏప్రిల్ 14 నుండి ZEE5లో స్ట్రీమింగ్ ప్రారంభమవుతుంది. ఈ ఒరిజినల్ సిరీస్ BBC అండ్ నార్త్స్టార్ ఎంటర్టైన్మెంట్ నిర్మిస్తున్నాయి. ఈ సిరీస్ కి శ్రీచరణ్ పాకాల సంగీతం అందించగా, సుజాత సిద్ధార్థ్ సినిమాటోగ్రఫీ అందించారు.
బ్లడీ మేరీ: క్రైమ్ థ్రిల్లర్ట్రాక్ లో రానున్న ఈ వెబ్ ఒరిజినల్కి చందు మొండేటి దర్శకత్వం వహించారు. ఏప్రిల్ 15, 2022 నుండి ఈ వెబ్ ఒరిజినల్ ఆహా ప్లాట్ఫారమ్లో విడుదల కానుంది. 'బ్లడీ మేరీ' లో బ్రహ్మాజీ, అజయ్, కిరీటి, రాజ్కుమార్ కసిరెడ్డి కీలక పాత్రలు పోషిస్తున్నారు. ఈ OTT సినిమాకి కాల భైరవ సంగీతం అందించారు. పీపుల్ మీడియా ఫ్యాక్టరీ ఈ వెబ్ సిరీస్ ని నిర్మిస్తు౮ది.
|
|