20 మందికి ఉచిత విద్య... మలయాళ స్టార్
cinema | Suryaa Desk | Published : Fri, Apr 15, 2022, 09:21 PM
మలయాళ స్టార్ హీరో మోహన్ లాల్ రీల్ లైఫ్ లోనే కాక రియల్ లైఫ్ లో కూడా హీరో అనిపించుకున్నాడు. దాదాపు 20 మందికి పదిహేనేళ్ల పాటు ఉచిత విద్యనందిస్తానని ముందుకొచ్చి తన ఉదారగుణాన్ని చాటుకున్నాడు.
మోహన్ లాల్ 'విశ్వశాంతి ఫౌండేషన్ ' ద్వారా తన దాతృత్వాన్ని చాటుకుంటున్న విషయం తెలిసిందే. ఈ ఫౌండేషన్ లో ఇప్పటివరకు ఎన్నో సేవా కార్యక్రమాలు జరిగాయి. కొత్తగా వింటేజ్ ఓరియెంటేషన్ క్యాంపు పేరుతో జరిగిన ఒక కార్యక్రమంలో అట్టప్పాడి కి చెందిన, 6వ తరగతి చదువుతున్న 20 మంది గిరిజన విద్యార్థులకు పదిహేనేళ్ల పాటు మెరుగైన ఉచిత విద్యా సౌకర్యం అందించబోతున్నట్లు సోషల్ మీడియా వేదికగా తెలిపారు మోహన్ లాల్. ఈ సందర్భంగా తమ ప్రాజెక్టుకు మద్దతు గా నిలిచినా EY గ్లోబల్ డెలివరీ సర్వీసెస్ కెరీర్ కు మోహన్ లాల్ కృతజ్ఞతలను తెలియచేసారు. మీ ఆశీస్సులు కూడా ఉండాలని అభిమానులను వినమ్రంగా అభ్యర్ధించారు. ఇదే తరహాలో ప్రతీ ఏడు ఉచిత విద్యా కార్యక్రమం జరుగుతుందని తెలిపారు. మోహన్ లాల్ చేస్తున్న ఈ విద్యాదానానికి నెటిజన్లు ప్రశంసలు కురిపిస్తున్నారు.
|
|