వల్లమాలిన అభిమానం అంటే ఇదేనేమో... సన్నీలియోన్ ఫ్యాన్ వింత ప్రకటన...
cinema | Suryaa Desk | Published : Fri, Apr 15, 2022, 09:15 PM
సినీతారలపై ప్రేక్షకులు ఒక్కొక్కరు ఒక్కోలా అభిమానం చూపిస్తారు. కొంతమంది తమ అభిమాన నటుల పేరుతో సేవా కార్యక్రమాలు చేస్తే, మరికొంతమంది శరీరంపై పచ్చబొట్లను పొడిపించుకుంటారు. ఎవరి అభిమానం వారిది. తాజాగా ఒక వీరాభిమాని తన ఫేవరేట్ నటి కోసం వినూత్న ప్రకటన చేసి వార్తల్లో నిలిచాడు. వివరాల్లోకెళితే... సన్నీ లియోన్ కి ప్రపంచం నలుమూలలా అభిమానులున్న విషయం తెలిసిందే. కర్ణాటక రాష్ట్రంలోని మాండ్యా జిల్లాకు చెందిన ప్రసాద్ అనే వ్యక్తి కూడా సన్నీలియోన్ కు పెద్ద ఫ్యాన్. అతనికి ఆ ఊళ్ళోనే ఒక చికెన్ షాప్ ఉంది. అతను ఈ మధ్య ఆ ఊరివారికి ఒక బంపర్ ఆఫర్ ఇచ్చాడు అదేంటంటే... ఆ ఊళ్ళో ఎవరైతే సన్నిలియోన్ అభిమానులున్నారో వారందరికీ తన చికెన్ షాపులో పది శాతం డిస్కౌంట్ తో ఏడాదిపాటు చికెన్ అమ్ముతానని ప్రకటించాడు. బేసిగ్గా సన్నీలియోన్ అంటే అభిమానమున్నప్పటికీ కొంతమంది బయటకు చెప్పటానికి సిగ్గుపడుతుంటారు. కానీ ప్రసాద్ సన్నీలియోన్ పై ఉన్న తన అభిమానాన్ని ఊరువాడా చాటేలా ప్రకటించటంతో ఆయన ధైర్యాన్ని అందరూ మెచ్చుకుంటున్నారు. ... ప్రసాద్ చేసిన ప్రకటనకు మూడు షరతులు పెట్టాడు. ముఖ్యంగా తన షాప్ లో చికెన్ కొనేవారు తప్పకుండా సన్నీలియోన్ సోషల్ మీడియా ఖాతాలను ఫాలో అవ్వాలి, ఆమె ఫోటోలు, వీడియోలకు లైక్స్ కొట్టాలి, వారి వారి ఫోన్లలో కనీసం ఆమెకు సంబంధించిన పది ఫోటోలైనా ఉండాలి. ఈ మేరకు చికెన్ షాప్ బయట బోర్డు కూడా పెట్టించాడట ప్రసాద్. ప్రస్తుతం ఈ న్యూస్ వైరల్ గా మారింది.
|
|