పవర్ స్టార్ చేతుల మీదుగా జయమ్మ పంచాయితీ ట్రైలర్ లాంఛ్
cinema | Suryaa Desk | Published : Sat, Apr 16, 2022, 12:40 PM
చాలా కాలం తర్వాత వెండితెరపై ఫుల్ లెంగ్త్ రోల్ లో సుమ కనకాల నటిస్తున్న చిత్రం జయమ్మ పంచాయితీ. విజయ్ కుమార్ కలివరపు డైరెక్షన్లో విలేజ్ కామెడీ డ్రామా గా రూపొందిన ఈ చిత్రం పలు కారణాల వల్ల వాయిదాపడి ఎట్టకేలకు మే 6న ప్రేక్షకుల ముందుకు రాబోతుంది.
తాజాగా ఈ మూవీ ట్రైలర్ విడుదల అయ్యింది. దీనిని పవర్ స్టార్ పవన్ కళ్యాణ్ గ్రాండ్ గా లాంఛ్ చేసి సినిమాకు కావాల్సినంత పబ్లిసిటీ చేసారు. ఇప్పటికే విడుదలైన టీజర్ కు మంచి స్పందన వచ్చిన విషయం తెలిసిందే. తాజాగా విడుదలైన ట్రైలర్ కూడా చాలా ఇంట్రెస్టింగ్ గా ఉంది. అప్పటివరకు సగటు ఇల్లాలిగా భర్త, పిల్లలతో హాయిగా, సంతోషంగా గడుపుతున్న జయమ్మ జీవితం, తన భర్త జబ్బుపడటంతో ఒక్కసారిగా పరిస్థితులన్నీ తలకిందులవుతాయి. తన కష్టాలను పంచాయితీకి తీసుకెళ్లిన జయమ్మ తన క్లిష్ట పరిస్థితులను మార్చుకోటానికి ఏం చేసింది? ఎలా పోరాడింది? అన్నదే చిత్ర కథ. యూనిక్ స్టోరీతో హిలేరియస్ విలేజ్ డ్రామాగా ప్రేక్షకుల ముందుకు రాబోతున్న ఈ మూవీకి, బుల్లితెరపై ఇన్నాళ్లు రాజ్యమేలి వెండితెరపై అదృష్టం పరీక్షించుకోనున్న సుమకు ఆడియన్స్ ఎలాంటి ఆదరణను చుపిస్తారనేది ఆసక్తిగా మారింది.
|
|