ది వారియర్లో 'బుల్లెట్' పాటను పాడిన స్టార్ హీరో
cinema | Suryaa Desk | Published : Mon, Apr 18, 2022, 10:53 AM
యంగ్ అండ్ ఎనర్జిటిక్ హీరో రామ్ పోతినేని లింగుస్వామి దర్శకత్వంలో "వారియర్" సినిమా చేస్తున్న సంగతి అందరికి తెలిసిందే. యాక్షన్ డ్రామా ట్రాక్ లో వస్తున్న ఈ సినిమాలో రామ సరసన కృతి శెట్టి అండ్ అక్షర గౌడ కథానాయికలుగా నటించారు. ఈ సినిమాలో ఆది పినిశెట్టి విలన్గా కనిపించనున్నారు. జులై 14, 2022న ఈ సినిమాని థియేటర్లలో విడుదల కానుంది. రామ్ తన కెరీర్లో తొలిసారి పవర్ఫుల్ పోలీస్ ఆఫీసర్ పాత్రలో నటిస్తున్నాడు. తాజాగా మూవీ మేకర్స్ ఈ సినిమాలోని ఫస్ట్ సాంగ్ కి సంబంధించిన క్రేజీ అప్డేట్ ని రివీల్ చేసారు. లేటెస్ట్ అప్డేట్ ప్రకారం, దేవి శ్రీ ప్రసాద్ కంపోస్ చేసిన ఈ సినిమాలోని 'బుల్లెట్' అనే పాటను స్టార్ హీరో శింబు పడినట్లు సమాచారం. 'ది వారియర్' టీమ్ సోషల్ మీడియాలో ఒక ఫోటోను విడుదల చేసి ఈ విషయాన్ని ప్రకటించారు. త్వరలోనే ఈ పాటను మేకర్స్ విడుదల చేయనున్నారు. యాక్షన్ థ్రిల్లర్ ట్రాక్ లో వస్తున్న ఈ సినిమాకి రాక్ స్టార్ దేవి శ్రీ ప్రసాద్ సంగీతం అందిస్తున్నారు. శ్రీనివాసా సిల్వర్ స్క్రీన్ నిర్మిస్తున్న ఈ సినిమా తెలుగు, తమిళ భాషల్లో విడుదల కానుంది.
|
|