పూజా కార్యక్రమాలతో ప్రారంభమైన విజయ్ దేవరకొండ-సమంతల కొత్త సినిమా
cinema | Suryaa Desk | Published : Thu, Apr 21, 2022, 12:01 PM
టాలీవుడ్ యంగ్ అండ్ సేనాషనల్ హీరో విజయ్ దేవరకొండ, శివ నిర్వాణ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ సినిమాలో విజయ్ దేవరకొండ సరసన గ్లామర్ బ్యూటీ సమంత రూత్ ప్రభు జంటగా కనిపించనుంది. తాజగా ఈరోజు ఈ సినిమా పూజా కార్యక్రమాలతో అధికారికంగా లాంచ్ అయింది. ఈ వేడుకకు విజయ్ దేవరకొండ, శివ నిర్వాణ, హరీష్ శంకర్, బుచ్చిబాబు సన తదితరులు హాజరయ్యారు. బుచ్చిబాబు సన కెమెరా స్విచాన్ చేయగా, హరీష్ క్లాప్ బోర్డ్ వినిపించారు. ఫ్యామిలీ ఎంటర్టైనర్ ట్రాక్ లో రానున్న ఈ సినిమాలో సచిన్ ఖేడాకర్, మురళీ శర్మ, లక్ష్మి, అలీ, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య తదితరులు కీలక పాత్రలు పోషిస్తున్నారు. ఈ సినిమా మొదటి షెడ్యూల్ కాశ్మీర్లో మరో రెండు రోజుల్లో ప్రారంభం కానుంది. హృదయం ఫేమ్ హేషమ్ అబ్దుల్ వహాబ్ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్ ఈ సినిమాని నిర్మిస్తుంది.
|
|