ఎఫ్ 3 లో పూజా ఐటెం సాంగ్ వెనక ఇంత స్టోరీ ఉందా...!

గ్లామర్ లవర్స్ ను రంజింపచేయటానికి మాస్ మసాలా మూవీలలో ఐటెం సాంగ్ తప్పనిసరి. ఈ సూత్రం ఎప్పటినుండో ఆచారంగా వస్తుంది. ఇటీవల సూపర్ హిట్ ఐన పుష్ప లో మంచి కిక్కిచ్చే ఐటెం నంబర్ ఉంది. పుష్ప సినిమాతో పాటు ఈ ఐటెం పాట కూడా పెద్ద హిట్ అయ్యింది. తాజాగా పాన్ ఇండియా వ్యాప్తంగానే కాక పాన్ వరల్డ్ గా కూడా సంచలన విజయం నమోదు చేసిన ఆర్ ఆర్ ఆర్, కేజీఎఫ్ 2 చిత్రాలలో ఐటెం పాటలు లేవు. అయినా ఆ సినిమాలు అంతటి విజయాన్ని సాధించాయంటే ఈ చిత్రాల కథలే మూలకారణం. 

పోతే... దిల్ రాజు నిర్మాణసారథ్యంలో తెరకెక్కుతున్న ఎఫ్ 3లో క్రేజీ హీరోయిన్ పూజా హెగ్డే ఒక ఐటెం సాంగ్ చేస్తుందన్న విషయం తెలిసిందే. అనిల్ రావిపూడి దర్శకత్వంలో వెంకటేష్, వరుణ్ తేజ్, తమన్నా, మెహ్రీన్, సునీల్, సోనాల్ చౌహన్ ప్రధాన పాత్రల్లో నటిస్తున్నారు. ఈ మూవీ నుండి రీసెంట్ గా విడుదలైన ఊఁ ఆఁ ఆహ ఆహా... అనే పాటను చుసిన తర్వాత ప్రతి ప్రేక్షకుడికి ఒక అనుమానం తప్పక వస్తుంది. అదేంటంటే... ఈ సినిమా కోసం తమన్నా, మెహ్రీన్ లు వీలైనంత మేరకు గ్లామర్ ను ఒలకపోస్తుంటే, పూజ హెగ్డే తో ఐటెం సాంగ్ చేయించాల్సిన అవసరం ఏముంది? అని. 

అయితే... ఈ ప్రశ్నకు సమాధానంగా చిత్రసీమలో ఒక వార్త చక్కర్లు కొడుతుంది. అదేంటంటే... ఎఫ్ 3 లో పూజా ఐటెం పాట ముందుగా అనుకున్నది కాదంట. ఒక చిత్రం కోసం పూజా కు అడ్వాన్స్ ఇచ్చారట దిల్ రాజు. వీలైననంత త్వరగా ఏ పెద్ద సినిమాలోనైనా పూజాను నటింపచేయటం ఇప్పటికిప్పుడు సాధ్యపడదు. అదీకాక, 3 నుండి 4 కోట్లు పారితోషికం తీసుకుంటున్న పూజా పట్ల దిల్ రాజుకు అంతగా ఇంటరెస్ట్ కూడా లేదట. దీంతో ఇచ్చిన అడ్వాన్స్ ను వెనక్కు తీసుకోకుండా, ఎఫ్ 3 లో ఐటెం సాంగ్ లో నటించమని దిల్ రాజు పూజాను కోరారట. 

ఎఫ్ 2 ఘనవిజయంతో ఎఫ్ 3 సినిమాకోసం ప్రేక్షకులు ఎంతో ఉత్కంఠగా ఎదురుచూస్తున్నారు. వేసవి కానుకగా ఈ సినిమా మే 27న ప్రేక్షకుల ముందుకు రానుంది.