చరణ్ పంజాబ్ షెడ్యూల్ కంప్లీట్... బ్యాక్ టు ఆచార్య ప్రమోషన్స్

ఆర్ ఆర్ ఆర్ లాంటి బిగ్గెస్ట్ పాన్ ఇండియా హిట్ తర్వాత మెగా పవర్ స్టార్ రామ్ చరణ్ కోలీవుడ్ స్టార్ డైరెక్టర్ శంకర్ డైరెక్షన్లో ఒక మూవీ ని చేస్తున్నారు. రామ్ చరణ్ కెరీర్లో ఇది 15 వ చిత్రం. ఇంకా టైటిల్ ఖరారు చేయని ఈ మూవీ RC #15 వర్కింగ్ టైటిల్ తో పిలవబడుతుంది. పోతే... ఇటీవలనే హైదరాబాద్ లో ఒక షెడ్యూల్ ను పూర్తి చేసుకున్న ఈ చిత్రం తాజాగా పంజాబ్ లో మరో కొత్త షెడ్యూల్ ని కూడా పూర్తి  చేసింది. ఈ మేరకు చరణ్ తన ఇంస్టాగ్రామ్లో స్టోరీ ను షేర్ చేసారు. ఆయన ఫ్లయిట్ లో తన కుక్కపిల్లతో కూర్చుని ఉన్న ఫోటోని పోస్ట్ చేసి, షణ్ముగం శంకర్ గారి అమృత్ సర్ షెడ్యూల్ పూర్తయ్యింది. బ్యాక్ టు ఆచార్య ప్రమోషన్స్ అని కామెంట్ చేసారు. 

కొరటాల శివ దర్శకత్వంలో మెగాస్టార్ చిరంజీవి నటిస్తున్న తన 153వ చిత్రం ఆచార్య. ఇందులో రామ్ చరణ్ కూడా ఒక స్పెషల్ రోల్ చేస్తున్నారు. కాజల్ అగర్వాల్, పూజా హెగ్డే ఇందులో నాయికలు. కొణిదెల ప్రొడక్షన్స్ బ్యానర్ పై నిరంజన్ రెడ్డి, అన్వేష్ రెడ్డి ఈ సినిమాను నిర్మిస్తున్నారు. ఏప్రిల్ 29న ఈ సినిమా ప్రేక్షకుల ముందుకు రాబోతుంది. ఈ మేరకు ఆచార్య ప్రచారాల కోసం రామ్ చరణ్ తన కొత్త సినిమా షూటింగును కంప్లీట్ చేసుకుని అమృత్ సర్ నుండి బయలుదేరారు. ఆర్ ఆర్ ఆర్ లాంటి బిగ్ బడ్జెట్ మూవీ తో దేశవ్యాప్తంగా యమా క్రేజ్ సంపాదించుకున్న చరణ్ ఈ సినిమాను ఎంతో ప్రతిష్టాత్మకంగా విడుదల చేస్తున్నారు. ఈ మేరకు ప్రమోషన్స్ కూడా చాలా గ్రాండ్ గా నిర్వహించనున్నట్టు తెలుస్తుంది. భారీ అంచనాల నడుమ ఇంకో వారంలో ప్రేక్షకుల ముందుకు రాబోతున్న ఈ మూవీ ఎలాంటి రికార్డులను క్రియేట్ చేస్తుందో చూడాలి.