శ్రీ విష్ణు 'భళా తందనాన' రిలీజ్ డేట్ ఫిక్స్
cinema | Suryaa Desk | Published : Fri, Apr 22, 2022, 03:31 PM
కరోనా కారణంగా షూటింగులు వాయిదా పడటంతో పలు సినిమాల విడుదల ఆలస్యమైంది. ఇప్పుడు పరిస్థితులు చక్కబడటంతో ఒక్కొక్కటిగా థియేటర్లలో విడుదలవుతున్నాయి. అయితే ఏప్రిల్ లో పెద్ద సినిమాల రద్దీతో చాలావరకు చిన్న సినిమాలు వాటి విడుదల తేదీని మరలా వాయిదా వేసుకుంటున్నాయి. కానీ శ్రీ విష్ణు నటించిన కొత్త సినిమా భళా తందనాన మాత్రం ఏప్రిల్ లోనే ప్రేక్షకుల ముందుకు రావాలని నిర్ణయించుకున్నట్టు తెలుస్తోంది. జనవరిలో విడుదలవ్వాల్సిన ఈ సినిమా ఏప్రిల్ 30వ తేదీన విడుదలవబోతున్నట్టు అధికారికంగా ప్రకటించారు చిత్రబృందం. ఈ మేరకు ఒక స్పెషల్ పోస్టర్ను కూడా విడుదల చేసారు.
చైతన్య దంతులూరి దర్శకత్వంలో రూపొందిన భళా తందనాన చిత్రంలో శ్రీవిష్ణు హీరో. వారాహి చలన చిత్రం సంస్థ నిర్మించిన ఈ చిత్రంలో కేథరిన్ థెరిస్సా హీరోయిన్. మణిశర్మ మ్యూజిక్ అందించారు. పక్కా యాక్షన్ ఎంటర్టైనర్ గా ప్రేక్షకుల ముందుకు రాబోతున్న ఈ మూవీ నుండి ఇప్పటికే విడుదలైన పోస్టర్లు, టీజర్ చాలా ఇంటరెస్టింగ్ గా ఉన్నాయి. పోతే... మెగాస్టార్ చిరంజీవి, మెగా పవర్ స్టార్ రామ్ చరణ్ తేజ్ నటించిన ఆచార్య చిత్రం భారీ అంచనాల నడుమ ఏప్రిల్ 29న విడుదల కానుంది. ఒక్క రోజు తేడాతో భళా తందనాన చిత్రం కూడా థియేటర్లోకి రానుంది. మరి ఆచార్య మెగా ధాటిని తట్టుకుని శ్రీవిష్ణు చిత్రం నిలబడగలదా?అన్నది ఆసక్తికరంగా మారింది.
|
|