SVP ప్రమోషన్స్ ను వదిలేసి దుబాయ్ కు చెక్కేసిన సూపర్ స్టార్
cinema | Suryaa Desk | Published : Mon, Apr 25, 2022, 12:24 PM
టాలీవుడ్ సూపర్ స్టార్ మహేష్ బాబు కొత్త చిత్రం సర్కారువారిపాట. గీతగోవిందం ఫేమ్ పరశురామ్ డైరెక్షన్లో లవ్ అండ్ యాక్షన్ ఎంటర్టైనర్గా రూపొందుతున్న ఈ చిత్రంలో కీర్తి సురేష్ కథానాయిక. ఇటీవలనే షూటింగ్ పూర్తి చేసుకున్న ఈ చిత్రం వేసవి కానుకగా మే 12న విడుదలవడానికి సిద్ధంగా ఉంది. అయితే ఈ మూవీ విడుదలకు ఇంకా రెండువారాల సమయం కూడా లేదు. ఈ కొద్ది రోజులు ప్రమోషన్స్ చేయటానికి చాలా అనువైనది. ఇలాంటి సమయంలో చిత్రబృందం తో కలిసి SVP ప్రమోషన్స్ లో పాల్గొనాల్సింది పోయి మహేష్ బాబు విదేశాలకు వెళ్లినట్టు తెలుస్తోంది. ఈ క్రమంలో ఆయన ఆదివారం నాడు హైదరాబాద్ విమానాశ్రయంలో మీడియా కంటికి చిక్కారు. దీంతో పలురకాల ఊహాగానాలు వినబడుతున్నాయి. అవేంటంటే... మహేష్ తో పాటు దర్శకధీరుడు కూడా జత కలవనున్నాడట. వీరిద్దరి కాంబోలో రాబోయే చిత్ర కథా చర్చలు జరపటానికి మహేష్, రాజమౌళి దుబాయ్ కు వెళ్లారని టాక్. మరి ఈ ద్వయంతో రచయితల బృందం కూడా జాయిన్ అవుతుందో లేదో తెలియాల్సి ఉంది. మహేష్ తో చేయబోయే మూవీ సైన్టిఫిక్ జోనర్ లో ఉంటుందని ముందే ఒక చిన్న హింట్ ఇచ్చారు రాజమౌళి. అయితే జక్కన్న వినిపించిన కథ సూపర్ స్టార్ కి నచ్చలేదని అందుకే మిగిలిన స్టోరీ లైన్ల డిస్కషన్ కోసమే దుబాయ్ వెళ్లారని గుసగుసలు వినబడుతున్నాయి.
SVP ప్రమోషన్స్ ను సైతం ఖాతరు చేయకుండా మహేష్ జక్కన్న ఫ్యూచర్ ప్రాజెక్ట్ డిస్కషన్స్ కోసం దుబాయ్ వెళ్లడంతో రకరకాల పుకార్లు ఊపందుకుంటున్నాయి. అయితే మహేష్ దుబాయ్ పర్యటనను అతి త్వరగా ముగించుకుని SVP ప్రమోషన్స్ లో పాల్గొనబోతున్నట్టు చిత్రవర్గ సమాచారం.
|
|