ఆచార్య వేదికపై చెర్రీ లో ఇది గమనించారా?
cinema | Suryaa Desk | Published : Mon, Apr 25, 2022, 12:21 PM
మెగా పవర్ స్టార్ రామ్ చరణ్ తేజ్ పక్కా కమర్షియల్ హీరో అని ప్రత్యేకంగా చెప్పనవసరం లేదు. యాక్షన్ ప్యాక్డ్ రోల్స్ లో కానీ సీరియల్ రోల్స్ లో కానీ చరణ్ తన నటనను అద్భుతంగా చూపిస్తాడు. ప్రేక్షకులకు కూడా చెర్రీలోనే ఈ యాంగిల్ బాగా నచ్చుతుంది. అయితే ఆయనలో ఉన్న మరో కోణం ఆచార్య ప్రీ రిలీజ్ వేదికపై క్షుణ్ణంగా బయట పడింది. ఆచార్య వేదికపై యాంకర్ సుమ ఒక ర్యాపిడ్ ఫైర్ లా నిర్వహించిన ఒక రౌండ్ లో చెర్రీ తన సమయస్ఫూర్తితో సమాధానాలు చెప్పి అందరి చేత శెభాష్ అనిపించుకుంటున్నాడు. చెర్రీ ఆన్సర్స్ చెప్పిన విధానం ఇప్పుడు హాట్ టాపిక్ అయ్యింది.
ప్రొడ్యూసర్ రామ్ చరణ్ అని చరణ్ ను సుమ సంబోధించగా, అదేంటండి... సుమ గారూ! మేము యాక్టర్ గా పనికిరామా! అని చెర్రీ సుమకు షాక్ ఇచ్చారు. ఆ తర్వాత కూడా తన బ్రిలియంట్ ఆన్సర్స్ తో సుమను ఒక ఆట ఆడుకున్నారు చరణ్. నాకు గిఫ్ట్ హంపర్ ఇస్తారా అని సుమను చెర్రీ అడగ్గానే వేదికపై ఉన్నవారితో పాటు మిగిలిన వారందరూ ఫక్కున నవ్వేశారు. ఇంకా ఇలాంటివి ఆ ఫంక్షన్లో చాలానే జరిగాయి. చెర్రీ మాట్లాడుతున్నప్పుడు ఒక అభిమాని అతని వద్దకు దూసుకురాగా, తమ్ముడూ... నిన్నెవరు డిజైన్ చేసారు? వెళ్ళమన్నారా ! అని చరణ్ అనటంతో స్టేజి కింద కూర్చొని ఉన్న చెర్రీ తల్లి సురేఖ కూడా ఒక్కసారిగా నవ్వారు. తర్వాత చెర్రీ ఆ అభిమానితో కలిసి ఒక సెల్ఫీ దిగారనుకోండి. వీటన్నిటిని చూస్తుంటే, చరణ్ కామెడీ టైమింగ్ చాలా బావుందే అనిపిస్తుంది. తొందర్లోనే, ఎవరైనా కొత్త డైరెక్టర్లు చరణ్లోని ఈ కామిక్ టైమింగ్ తో సినిమా చేస్తారేమో!
|
|