'ఎఫ్ 3' నుండి ఊఁ ఆఁ ఆహా ఆహా పాట మేకింగ్ వీడియో రిలీజ్...
cinema | Suryaa Desk | Published : Tue, Apr 26, 2022, 11:38 PM
అనిల్ రావిపూడి దర్శకత్వంలో విక్టరీ వెంకటేష్, వరుణ్ తేజ్ మల్టీస్టారర్ గా నటిస్తున్న చిత్రం ఎఫ్ 3. వేసవి లో ప్రేక్షకులను ఉల్లాసపరచటానికి మే 27న ఈ చిత్రం విడుదల కానుంది. తమన్నా భాటియా, మెహ్రీన్ పిర్జాడా హీరోయిన్లుగా నటిస్తున్న ఈ చిత్రంలో సునీల్, సోనాల్ చౌహన్, రాజేంద్ర ప్రసాద్ కీలకపాత్రలు పోషిస్తున్నారు. ఈ మూవీ ప్రమోషన్స్ జోరుగా సాగుతున్నాయి. DSP మ్యూజిక్ డైరెక్షన్లో మొదటి పాటగా విడుదలైన లబ్ డబ్ డబ్బో పాట మంచి ఆదరణ పొందింది. తాజాగా ఈ మూవీ నుండి విడుదలైన రెండో పాట ఊఁ ఆఁ ఆహా ఆహా పాటకు కూడా ప్రేక్షకుల నుండి విశేష స్పందన వస్తుంది. వెంకటేష్, వరుణ్ తేజ్, తమన్నా, మెహ్రీన్ ల మీద చిత్రీకరించిన ఈ పాట ఎఫ్ 2 లోని రయ్యా రయ్యా పాటలాగా ఫుల్ గ్లామర్ తో నిండిపోయింది. తమన్నా, మెహ్రీన్ లు తమ గ్లామర్ తో, డాన్స్ మూవ్మెంట్స్ తో అబ్బురపరిచారు. ఇటీవల విడుదలైన హాట్ సాంగ్స్ లో ఈ పాటను ది బెస్ట్ గా చెప్పవచ్చు. ఈ పాటలో డాన్స్ చేసే అవకాశాన్ని సునీల్ చాలా బాగా ఉపయోగించుకున్నాడు. ఈ సాంగ్ కు కాసర్ల శ్యామ్ సాహిత్యాన్ని అందించగా, శ్రీనిధి చౌహన్, లలిత లోబో ఆలపించారు. శేఖర్ మాస్టర్ తన కొరియోగ్రఫీతో మ్యాజిక్ చేసారు. కొద్ది గంటల క్రితమే ఈ సాంగ్ మేకింగ్ వీడియో విడుదల అయ్యింది. ఈ పాట షూట్ జరుగుతున్నప్పుడు దర్శకేంద్రుడు రాఘవేంద్రరావు, మెగా బ్రదర్ నాగబాబు, ఆయన సతీమణి సెట్స్ కి వచ్చిన విజువల్స్ కూడా ఇందులో కనిపిస్తాయి. ఈ పాట కోసం శేఖర్ మాస్టర్ , ఆయన బృందం పడ్డ కష్టాన్ని మేకింగ్ వీడియో లో చూపించారు.
|
|