తలపతి 66వ సినిమాలో మరో స్టార్ హీరో...
cinema | Suryaa Desk | Published : Tue, Apr 26, 2022, 11:42 PM
కోలీవుడ్ స్టార్ హీరో విజయ్ 66వ సినిమాగా తెరకెక్కుతున్న చిత్రానికి తెలుగు దర్శకుడు వంశీ పైడిపల్లి దర్శకత్వం చేయనున్నారు. ఇందులో హీరోయిన్గా రష్మిక మండన్నాని ప్రకటించారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ చిత్రానికి థమన్ సంగీతం అందిస్తున్నారు. తమిళ, తెలుగు భాషల్లో విడుదల కానున్న ఈ సినిమాతో దిల్ రాజు కోలీవుడ్ నిర్మాణరంగంలోకి ప్రవేశిస్తున్నారు. ఇటీవలనే పూజా కార్యక్రమంతో లాంఛనంగా ప్రారంభమై రెగ్యులర్ షూటింగును జరుపుకుంటుంది. మునుపెన్నడూ నటించని ఒక కొత్త కధ తో విజయ్ ఈ సినిమాలో నటిస్తున్నారు. ఈ చిత్రంలో మరో స్టార్ హీరో శ్యామ్ నటించబోతున్నట్టు తెలుస్తోంది. ట్విట్టర్ వేదికగా ఈ అధికారిక ప్రకటన మంగళవారం వెలువడింది. కిక్ సినిమాతో తెలుగు చిత్రపరిశ్రమలోకి అడుగిడిన శ్యామ్ ఇప్పుడు తలపతి విజయ్ 66వ సినిమాలో కీలక పాత్రలో నటించబోతున్నారు.
|
|