వాయిదా పడ్డ అడవిశేష్ మేజర్ చిత్రం
cinema | Suryaa Desk | Published : Wed, Apr 27, 2022, 03:12 PM
2008 ముంబై దాడుల్లో ప్రాణాలు కోల్పోయిన మేజర్ సందీప్ ఉన్నికృష్ణన్ జీవితం ఆధారంగా తెరకెక్కుతున్న చిత్రం 'మేజర్'. టైటిల్ రోల్ లో అడవి శేష్ నటిస్తుండటమే కాక ఈ చిత్రానికి కథను కూడా అందించారు. శశి కిరణ్ తిక్కా దర్శకత్వంలో సోనీ పిక్చర్స్ ఇండియా, GMB ఎంటర్టైన్మెంట్స్,A +S మూవీస్ సంయుక్తంగా నిర్మిస్తున్న ఈ చిత్రాన్ని తెలుగు,హిందీ భాషల్లో ఏక కాలంలో తెరకెక్కించారు. ఈ చిత్రాన్ని కన్నడ, మలయాళ, తమిళ భాషలలో కూడా విడుదల చేయనున్నారు. ఈ సినిమాతో అడవి శేష్ పాన్ ఇండియా బరిలోకి అడుగుపెట్టనున్నారు. ఇప్పటికే విడుదల కావాల్సిన ఈ చిత్రం కరోనాతో పాటు పలు కారణాల వల్ల వాయిదా పడి ఎట్టకేలకు మే 27న థియేటర్లలోకి రానుంది. అయితే తాజాగా ఈ మూవీ విడుదల మరోసారి వాయిదా పడినట్లు తెలుస్తోంది ఈ మేరకు మేజర్ చిత్రబృందం ఒక అఫీషియల్ పోస్టర్ ను విడుదల చేసింది. దీనిని బట్టి మే 27 న విడుదల కావాల్సిన ఈ చిత్రం ఒక వారం వాయిదా పడి జూన్ 3న ప్రేక్షకుల ముందుకు రానున్నట్టు తెలుస్తోంది. తాజాగా విడుదల చేసిన పోస్టర్ లో అడవిశేష్ ఇంటెన్స్ లుక్, తలపైన జాతీయ జెండా ఎగురుతున్నట్టు, బ్యాక్ గ్రౌండ్ లో తాజ్ హోటల్ కాలిపోతున్న దృశ్యం, మొత్తానికి పోస్టర్ సినిమాపై హోప్స్ ను పెంచేట్టు ఉంది. సయీ మంజ్రేకర్, శోభితా ధూళిపాళ్ల హీరోయిన్లుగా నటిస్తున్న ఈ చిత్రం భారీ బడ్జెట్టుతో నిర్మించబడుతుంది.
|
|