అమెరికా టాప్ 10 ట్రెండ్స్ లిస్ట్ లో ఆలియా గంగూభాయ్ కతియవాడి
cinema | Suryaa Desk | Published : Wed, Apr 27, 2022, 03:27 PM
ఆలియా భట్ ప్రధాన పాత్రలో, బాలీవుడ్ దిగ్గజ దర్శకుడు సంజయ్ లీలా భన్సాలీ తెరకెక్కించిన చిత్రం గంగూబాయ్ కతియావాడి. ప్రపంచవ్యాప్తంగా ఫిబ్రవరి 25న విడుదలైన ఈ సినిమా కోవిడ్ తరవాత బాలీవుడ్ బాక్సాఫీస్ ని షేక్ చేసిన తొలి చిత్రంగా పేరు పొందింది. ఒక లేడీ ఓరియెంటెడ్ సినిమా దాదాపు రెండువందలకోట్లకు పైగా కలెక్ట్ చేసి అందరినీ ఆశ్చర్యపరిచింది. అప్పటివరకు గ్లామర్ పాత్రలకు కేరాఫ్ అడ్రెస్ గా ఉన్న ఆలియా తన నట విశ్వరూపాన్ని ఈ సినిమాలో చూపించింది. దీంతో ఆలియా అభిమాన గణం మరింత పెరిగింది. పోతే... ఈ సినిమా ఏప్రిల్ 26 నుండి నెట్ఫ్లిక్స్ లో స్ట్రీమింగ్ అవుతుంది. తాజాగా అందిన సమాచారం ప్రకారం, అమెరికా ట్రెండ్స్ లిస్ట్ లో ఈ మూవీ టాప్ 10 లో ఉందంట. ఈ లిస్టులో ఎక్కువశాతం హాలీవుడ్ సినిమాలే ఉంటాయి. అలాంటి హాలీవుడ్ సినిమాలను సైతం వెనక్కి నెట్టి ఆలియా గంగూభాయ్ కతియవాడి స్థానం దక్కించుకోవటం విశేషం.
|
|