మహేష్ సర్కారువారిపాట తమిళంలో కూడానా?
cinema | Suryaa Desk | Published : Wed, Apr 27, 2022, 03:29 PM
ప్రేక్షకులు ఎప్పుడెప్పుడా అని ఎదురుచూస్తున్న సూపర్స్టార్ మహేష్ బాబు కొత్త సినిమా సర్కారువారిపాట. ఇందులో కీర్తి సురేష్ కథానాయిక. గీతగోవిందం ఫేమ్ పరశురామ్ డైరెక్ట్ చేస్తున్న ఈ మూవీని వేసవి కానుకగా మే 12 న విడుదల చేయనున్నారు. ఇప్పటికే ఈ మూవీ నుండి విడుదలైన గ్లిమ్స్, టీజర్, పోస్టర్లు, పాటలు .... అన్ని కూడా ప్రేక్షకుల చేత విశేష ఆదరణ పొందినవి. దీంతో ఈ సినిమాపై అంచనాలు పెరిగిపోతున్నాయి. పోతే... ఈ సినిమాను తమిళంలో కూడా విడుదల చేయబోతున్నట్టు తెలుస్తుంది. గతంలోనే స్పైడర్ చిత్రంతో సూపర్ స్టార్ కోలీవుడ్ ఎంట్రీ జరిగిపోయింది. ఆ తర్వాత శ్రీమంతుడు, మహర్షి, వంటి చిత్రాల డబ్బింగ్ వెర్షన్ లను తమిళంలో విడుదల చేసారు. ఈ సినిమాలు అక్కడ కూడా మంచి విజయం సాధించాయి. సూపర్ స్టార్ కు తమిళనాడులో కూడా మంచి ఫ్యాన్ ఫాలోయింగ్ ఏర్పడింది. దీంతో సర్కారువారిపాట ను తెలుగుతో పాటు తమిళం లో కూడా ఒకేసారి రిలీజ్ చెయ్యాలని మేకర్స్ ప్లాన్ చేస్తున్నారట. పుదియ అరసాంగం అనే తమిళ టైటిల్ కూడా పరిశీలనలో ఉన్నట్టు టాక్. విడుదలకు ఇంకా రెండు వారాల సమయం ఉంది కాబట్టి ఈలోపు తెలుగు లో ప్రమోషన్స్ తో పాటు, తమిళ టైటిల్, సాంగ్స్, ట్రైలర్ వంటి అప్ డేట్లు రానున్నాయని నెట్టింట ప్రచారం జరుగుతుంది. యాక్షన్ కామెడీ ఎంటర్టైనర్ గా రూపొందుతున్న ఈ సినిమాని మైత్రి మూవీ మేకర్స్, 14 రీల్స్ ప్లస్, GMB ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి. ఈ మూవీ కి థమన్ మ్యూజిక్ డైరెక్టర్ గా పని చేస్తున్నారు.
|
|