గౌతమ్ తిన్ననూరి- రామ్ చరణ్ ల సినిమా క్యాన్సిల్ అయ్యిందా?

గౌతమ్ తిన్ననూరి డైరెక్షన్లో నాని నటించిన స్పోర్ట్స్ బేస్డ్ మూవీ జెర్సీ. ఈ సినిమా విమర్శకుల ప్రశంసలను అందుకోవడంతో పాటు జాతీయ అవార్డును అందుకుంది. ఇదే టైటిల్ తో ఈ సినిమాను హిందీలో కూడా తెరకెక్కించారు గౌతమ్. అయితే ఎన్నో అంచనాల నడుమ విడుదలైన ఈ చిత్రం నెగిటివ్ రివ్యూలతో బాలీవుడ్ బాక్సాఫీస్ వద్ద భారీ ఫ్లాప్ గా నిలవనుంది. తెలుగు జెర్సీ లో ఉన్న మ్యాజిక్ ని హిందీలో క్రియేట్ చెయ్యటంలో గౌతమ్ ఘోరపరాజయం చెందారని ప్రముఖ బాలీవుడ్ క్రిటిక్స్ విమర్శిస్తున్నారు. పోతే.... ఇలా గౌతమ్ తన కెరీర్ ప్రారంభంలోనే నెగిటివిటీ ఎదుర్కోవలసి వస్తుంది. దీంతో గౌతమ్ తిన్ననూరి - రామ్ చరణ్ కాంబోలో రాబోతున్న #RC 16 సినిమా ఆగిపోయిందని పలు పుకార్లు చిత్రసీమలో షికార్లు చేస్తున్నాయి. అయితే శంకర్ డైరెక్షన్లో సినిమా అయిపోయిన వెంటనే చెర్రీ గౌతమ్ తో సినిమా చేయనున్నారని ఆయన సన్నిహితులు క్లారిటీ ఇచ్చారు. గౌతమ్ తో చెర్రీ చేయబోయేది క్రీడా నేపధ్య చిత్రం కాదని కూడా పేర్కొన్నారు. మెగాహీరోలు తమ సినిమాలను కమిటైన డైరెక్టర్లు వరస ఫ్లాప్ లనిస్తున్నా వారి ప్రతిభ పై ఉన్న నమ్మకంతో ఏ మాత్రం వెనుకాడకుండా ఆ డైరెక్టర్లతోనే సినిమాలు చేస్తారు. వరస ఫ్లాప్ ల నిస్తున్న దర్శకేంద్రుడు రాఘవేంద్రరావు కు చిరు అవకాశం ఇవ్వడం వల్లే జగదేకవీరుడు అతిలోకసుందరి వంటి బ్లాక్ బస్టర్ హిట్ వచ్చింది. అలానే పవన్ కళ్యాణ్ కూడా తన అన్నయ్య దారిలోనే వెళ్లారు. ఫ్లాపుల్లో ఉన్న డైరెక్టర్స్ తో ఏమాత్రం సంకోచించకుండా పని చేసారు. ఇప్పుడు రాంచరణ్ వంతు వచ్చింది. గౌతమ్ తీసిన హిందీ జెర్సీ ఫలితాన్ని ఏమాత్రం లెక్క చేయకుండా తనతోనే చెర్రీ నెక్స్ట్ సినిమాకి కమిటవ్వటం హర్షించదగ్గ విషయం.