వెంకటేష్ డ్రీం ప్రాజెక్టుకు కొరటాల దర్శకత్వం?
cinema | Suryaa Desk | Published : Thu, Apr 28, 2022, 01:41 PM
కమర్షియల్ సినిమాలకు సోషల్ మెసేజ్ ను జత చేసి సూపర్ హిట్లు కొడుతున్నారు దర్శకుడు కొరటాల శివ. తన ప్రతీ చిత్రం కూడా సమాజం పట్ల తనకున్న బాధ్యతను తెలియచేస్తాయి. తనపై స్వామి వివేకానంద ప్రభావం బాగా ఉందని, ఆయన బయోపిక్ ను తెరకెక్కించాలనే ఉద్దేశం కూడా ఉందని ఇటీవల జరిగిన ఒక ఇంటర్వ్యూలో కొరటాల తెలిపారు. అయితే అంతటి అనుభవం ఇప్పుడే తనకు లేదని, దానికి ఇంకా సమయం పడుతుందని కూడా కొరటాల పేర్కొన్నారు. స్వామి వివేకానంద బయోపిక్ అంటే అందరికీ హీరో విక్టరీ వెంకటేష్ గుర్తొస్తారు. ఎందుకంటే స్వామి వివేకానంద పాత్రలో నటించాలని వెంకటేష్ చిరకాల కోరిక. వెంకీ, త్రిష జంటగా నటించిన బాడీ గార్డ్ చిత్రం తర్వాత ఈ సినిమానే చెయ్యాలని వెంకీ తీవ్రంగా ప్రయత్నించారు. దర్శకుడిగా నీలకంఠ, రాఘవేంద్రరావు వంటి దిగ్గజాల పేర్లు వినిపించాయి. కానీ ఎందుకో ఈ బయోపిక్ ముందుకెళ్ళలేదు. ఇప్పుడు కొరటాల శివ కూడా స్వామి వివేకానంద బయోపిక్ చెయ్యాలనే కోరికను బయట పెట్టడంతో వెంకటేష్ డ్రీమ్ ప్రాజెక్ట్ కార్యరూపం దాల్చే అవకాశాలు ఎక్కువగా కనిపిస్తున్నాయి. అయితే... ఇప్పుడు కాకపోయినా భవిష్యత్తులోనైనా కొరటాల చేసే స్వామి వివేకానంద బయోపిక్ ను వెంకటేష్ తో చేస్తారా? లేక మరొకరితోనా? అన్నది క్లారిటీ లేదు.
|
|