యూఎస్ లో ఆచార్య టాక్ ఎలా ఉందంటే...
cinema | Suryaa Desk | Published : Fri, Apr 29, 2022, 12:15 PM
మెగా అభిమానులు ఎంతగానో ఎదురుచూస్తున్న ఆచార్య మూవీ ఈరోజు గ్రాండ్ గా రిలీజ్ అయ్యింది. కొరటాల శివ డైరెక్షన్లో చిరంజీవి, రామ్ చరణ్ తేజ్ నటించిన యాక్షన్ ఎంటర్టైనర్ ఆచార్య. పూజాహెగ్డే కధానాయిక. ఇప్పటికే అమెరికాలో ఈ మూవీ షోస్ పడ్డాయి. ఆచార్య పట్ల అమెరికా మెగా అభిమానుల రివ్యూ ఎలా ఉందంటే...
ఆచార్య మొదటి భాగం రొటీన్ ఫార్ములాతో చాలా నిదానంగా సాగదీసినట్టు ఉంటుంది. సానా కష్టం పాట లో చిరు వేసే సెప్పులు అభిమానులకు నచ్చుతాయి. ఔట్ డేటెడ్ కథతో రొటీన్ నేరేషన్ తో ఫస్ట్ హాఫ్ బిలో యావరేజ్ గా ఉంది. పోతే.... సెకండాఫ్ మొత్తం రామ్ చరణ్ ఫ్లాష్ బ్యాక్ కథ. విడుదలకు ముందు చెప్పినట్టు సిద్ధ పాత్ర ప్రభావం సినిమాలో అంతగా కనిపించలేదు. మావోయిస్టు నేపధ్య సీన్స్ కూడా అంతగా పండలేదు. ఇక చిరు అయితే చరణ్ పక్కన పేరుకి ఉంటాడు అంతే. భలే భలే బంజారా పాట ఒక్కటే సెకండాఫ్ చెప్పుకోదగ్గది. ఆ పాటలో చిరు మార్క్ స్టైల్, చరణ్ తో కలిసి వేసే స్టెప్స్, ప్రేక్షకులను విపరీతంగా ఆకట్టుకుంటాయి. ప్రీక్లైమాక్స్, క్లైమాక్స్ లను ప్రేక్షకుడు ఊహించేస్తాడు. ఏమాత్రం కొత్తదనం ఉండదు. క్లైమాక్స్ లో వచ్చే ఫైట్ ఒకటి చాలా బావుంటుంది. యాక్షన్ లవర్స్ కి బాగా నచ్చుతుంది. ఓవరాల్ గా ఎన్నో భారీ అంచనాల నడుమ విడుదలైన ఆచార్య చిత్రం కనీసం మెగా అభిమానులకు కూడా నచ్చే విధంగా లేదనే చెప్పాలి.
|
|