సుమక్క మూవీ ప్రీ రిలీజ్ ఈవెంట్ కు గెస్టులుగా రానున్న అక్కినేని హీరో , నాచురల్ స్టార్
cinema | Suryaa Desk | Published : Fri, Apr 29, 2022, 09:26 PM
బుల్లితెర వ్యాఖ్యాత సుమ కనకాల లీడ్ రోల్ లో నటిస్తున్న చిత్రం జయమ్మ పంచాయితీ. విజయ్ కుమార్ కలివరపు ఈ సినిమాకి దర్శకత్వం వహించారు. వెన్నెల క్రియేషన్స్ పతాకంపై బలగ ప్రకాష్ నిర్మించారు. ఏప్రిల్ 22న విడుదలవ్వాల్సిన ఈ సినిమా మే 6కు వాయిదా పడిన విషయం తెలిసిందే. ఈ సినిమా టైటిల్ పోస్టర్,ఫస్ట్ లుక్ పోస్టర్ని మెగా పవర్ స్టార్ రామ్ చరణ్ ,తొలి లిరికల్ సాంగ్ ని హీరో నాని, మూవీ టీజర్ ని హీరో రానా, ట్రైలర్ ను పవర్ స్టార్ పవన్ కళ్యాణ్ లు విడుదల చేయటంతో ఈ మూవీ మొదటినుండి వార్తల్లో నిలుస్తూనే ఉంది. తాజాగా ఈ మూవీ నుండి మరో ఇంటరెస్టింగ్ అప్డేట్ వచ్చింది. రేపు జరగనున్న ప్రీ రిలీజ్ ఈవెంట్ కు చీఫ్ గెస్టులుగా టాలీవుడ్ మన్మథుడు శ్యామ్ సింగ రాయ్ తో కలిసి హాజరు కానున్నాడు. హైదరాబాద్ లోని దసపల్లా కన్వెన్షన్ హాల్ లో రేపు సాయంత్రం 6 గంటలకు ప్రారంభం కానున్న జయమ్మ పంచాయితీ ప్రీ రిలీజ్ ఈవెంటుకు కింగ్ నాగార్జున, నాచురల్ స్టార్ నాని ముఖ్య అతిధులుగా హాజరు కాబోతున్నట్టు తెలిపే అధికారిక పోస్టర్ను చిత్రబృందం కొంచెం సేపటి క్రితమే విడుదల చేసింది. వీరిద్దరూ దేవ్ దాస్ లో కలిసి నటించిన విషయం తెలిసిందే. టాలీవుడ్ సెలెబ్రిటీల ప్రచారం ఈ సినిమాకు ఏ మేరకు కలిసొస్తుందో చూడాలి. యాంకర్ గా ప్రేక్షకుల మనసు దోచుకున్న సుమ యాక్టింగ్ కు ప్రేక్షకులు ఎన్ని మార్కులిస్తారో చూడాలి.
|
|