మిస్టర్ పర్ఫెక్ట్ ముందు భారీ టాస్కే ఉందిగా....!

బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ నటిస్తున్న కొత్త చిత్రం 'లాల్ సింగ్ చద్దా'. ఈ సినిమాలో కరీనా కపూర్ ఖాన్ హీరోయిన్. అద్వైత్ చందన్ దర్శకుడు. టాలీవుడ్ యువనటుడు, అక్కినేని నట వారసుడు నాగ చైతన్య బాలీవుడ్ డిబట్ మూవీ ఇది. ఈ సినిమా 1994లో విడుదలైన హాలీవుడ్ బ్లాక్ బస్టర్ చిత్రం ఫారెస్ట్ గంప్ కి అధికారిక రీమేక్. ఇటీవలనే ఈ మూవీ నుండి కహానీ అనే లిరికల్ సాంగ్ విడుదలవగా, అది సూపర్ హిట్ అయ్యింది.

అయితే బాలీవుడ్ లో సూపర్ సక్సెస్ ఐన సౌత్ సినిమాలు పుష్ప, ఆర్ ఆర్ ఆర్, కేజీఎఫ్ 2 ల మూవీ కలెక్షన్లకి సినీవిశ్లేషకులు సైతం ఆశ్చర్యపోతున్నారు. ఈ సినిమాలకు అంటే సౌత్ సినిమాలకు నార్త్ మేకర్స్ భయపడుతున్నారట కూడా. ముఖ్యంగా, ప్రశాంత్ నీల్ డైరెక్షన్లో రాకింగ్ స్టార్ యష్ హీరోగా నటించిన కేజీఎఫ్ 2 చిత్రం బాలీవుడ్ లో విజయ బావుటా ఎగరవేసిన విషయం అందరికీ తెలిసిందే. బాలీవుడ్ లో తొలిరోజు అత్యధిక కలెక్షన్లు సాధించిన సినిమాల లిస్టులో కేజీఎఫ్ 2 టాప్ 1 లో కొనసాగుతుంది. అయితే ఈ రికార్డును బీట్ చెయ్యగల సత్తా ఉన్న ఏకైక నటుడు ఆమిర్ ఖాన్. లాల్ సింగ్ చద్దా సినిమా  ఆగస్టు 11న ప్రేక్షకుల ముందుకు రాబోతున్న ఈ మూవీ పైనే బాలీవుడ్ జనాలు ఆశలు పెట్టుకున్నారు. అయితే ప్రస్తుత బాలీవుడ్ యువతరం లార్జర్ దాన్ లైఫ్ అన్నట్టుగా సాగే హై వోల్టేజ్ మాస్ యాక్షన్ సినిమాలకు, హీరోయిక్ ఎలివేషన్స్ కు ఫిదా అవుతుండగా, ఎటువంటి మాస్ అండ్ కమర్షియల్ ఎలిమెంట్స్ లేని ఆమీర్ మూవీ వారికి నచ్చుతుందా? అన్నది పెద్ద సందేహం. మరి ఇలాంటి క్లిష్ట పరిస్థితిని దాటుకుని బాలీవుడ్ జనాలను ఆమీర్ థియేటర్లకు రప్పించుకోగలుగుతాడా?, కేజీఎఫ్ 2 రికార్డు కలెక్షన్లను బీట్ చెయ్యగలుగుతాడా? ఒకవేళ లాల్ సింగ్ చద్దా ఫ్లాప్ అయితే ఆమీర్ స్టార్డం సంగతేంటి?.... ఈ ప్రశ్నలన్నిటికీ సమాధానం కావాలంటే, ఆగస్టు 11 వరకు వేచిచూడాల్సిందే.