చైతూ నెక్స్ట్ మూవీ ఆ డైరెక్టర్ తోనే...
cinema | Suryaa Desk | Published : Mon, May 02, 2022, 09:52 PM
టాలీవుడ్ యువనటుడు నాగ చైతన్య ఇటీవలనే బ్యాక్ టు బ్యాక్ రెండు సక్సెస్ లతో మంచి జోరు మీదున్నాడు. నాగ చైతన్య నటించిన లవ్ స్టోరీ, బంగార్రాజు చిత్రాలు బాక్సాఫీస్ వద్ద మంచి విజయాన్ని సాధించాయి. ఇంకా చైతూ నుండి థాంక్యూ సినిమా రాబోతుంది. ప్రస్తుతం చైతూ ధూత అనే క్రేజీ వెబ్ సిరీస్ , తమిళ దర్శకుడు వెంకట్ ప్రభుతో ఒక ద్విభాషా చిత్రాలతో బిజీగా ఉన్నాడు. అయితే తాజాగా ఆయన మరో సినిమాని కూడా అంగీకరించినట్టు చిత్రవర్గ సమాచారం. గీత గోవిందం తో సూపర్ హిట్ ను తన ఖాతాలో వేసుకున్న క్రేజీ డైరెక్టర్ పరశురామ్ - నాగ చైతన్య కాంబోలో ఒక సినిమా రానుందనీ, దానిని గీతా ఆర్ట్స్ వారు నిర్మిస్తున్నారని జోరుగా ప్రచారం జరుగుతుంది. ఈ వార్తని పుకారని కొట్టిపారెయ్యలేం. ఎందుకంటే, మహేష్ తో సర్కారువారిపాట చెయ్యటానికన్నా ముందే పరశురామ్ చైతూ తో మూవీ చెయ్యాల్సి ఉంది. అయితే పరశురామ్ చెప్పిన కధకి సూపర్స్టార్ వెంటనే రంగంలోకి దిగటంతో చైతూ మూవీ కొంత వెనక్కి వెళ్ళింది. సర్కారువారిపాట రిలీజ్ కు రెడీ అవుతుండటంతో పరశురామ్ ఫ్రీ అయిపోయారు. సో... ఇప్పుడు చైతూ ప్రాజెక్ట్ పట్టాలెక్కబోతుంది.
|
|