కళావతి ఫుల్ సాంగ్ లో మరిన్ని క్లాస్ స్టెప్పులు - శేఖర్ మాస్టర్
cinema | Suryaa Desk | Published : Tue, May 03, 2022, 11:37 PM
సరిలేరు నీకెవ్వరూ సూపర్ హిట్ తర్వాత టాలీవుడ్ సూపర్ స్టార్ మహేష్ బాబు నుండి రాబోతున్న కొత్త చిత్రం సర్కారువారిపాట. పరశురామ్ డైరెక్షన్లో పక్కా కమర్షియల్ ఎంటర్టైనర్ గా రూపొందుతున్న ఈ చిత్రంలో కీర్తి సురేష్ కథానాయిక. ప్రపంచవ్యాప్తంగా ఈ మూవీ మే 12న విడుదల కానుంది. ఈ మేరకు చిత్రబృందం ప్రమోషన్స్ లో చాలా బిజీగా ఉంది. ఇప్పటికే ఈ మూవీ టెక్నికల్ టీం ఏ ఎస్ ప్రకాష్, మార్తాండ్ కే వెంకటేష్, దర్శకుడు పరశురామ్, హీరోయిన్ కీర్తి సురేష్ లు ఒక్కొక్కరిగా ఇంటర్వ్యూలు ఇచ్చారు. తాజాగా ఈ మూవీ లో సూపర్ హిట్ ఐన కళావతి సాంగ్ కి కొరియోగ్రఫీ చేసిన శేఖర్ మాస్టర్ ఒక ఇంటర్వ్యూలో మాట్లాడుతూ ఆసక్తికర విషయాలను వెల్లడించారు. కళావతి పాట మ్యూజికల్ గా ఇప్పటికే సూపర్ హిట్ అయిందని, ఫుల్ వీడియో సాంగ్ చూస్తే మతి పోతుందని శేఖర్ పేర్కొన్నారు. ఈ పాట చేసే అవకాశం రాగానే మహేష్ చేత క్లాస్సీ అండ్ క్యాచీ స్టెప్పులను వేయిద్దామని ముందుగానే డిసైడ్ అయ్యాడట శేఖర్ మాస్టర్. ఈ మేరకు కళావతి పాటకు అద్దిరిపోయే స్టెప్పులు కుదిరాయని, మహేష్ చాలా ఎఫర్ట్ పెట్టి చేసాడని శేఖర్ మాస్టర్ తెలిపారు.
|
|