రంగరంగ వైభవంగా మూవీ నుండి సెకండ్ సింగిల్ ప్రోమో ఔట్....
cinema | Suryaa Desk | Published : Wed, May 04, 2022, 10:00 PM
మెగా మేనల్లుడు, టాలీవుడ్ యువనటుడు వైష్ణవ తేజ్ నటిస్తున్న కొత్త చిత్రం రంగరంగ వైభవంగా. తొలి సినిమా ఉప్పెన తోనే ఘనవిజయం అందుకున్న వైష్ణవ్ రెండో సినిమా కొండపొలం తో ప్రేక్షకులను నిరాశ పరిచాడు. ఇప్పుడు మూడో సినిమాగా, గిరిశాయ దర్శకత్వంలో, రంగ రంగ వైభవంగా సినిమాను చేస్తున్నాడు. రొమాంటిక్ ఫేమ్ కేతికా శర్మ హీరోయిన్గా నటిస్తుంది. శ్రీ వెంకటేశ్వర సినీ చిత్ర పతాకంపై బాపినీడు సమర్పిస్తున్న ఈ చిత్రాన్ని BVSN ప్రసాద్ నిర్మిస్తున్నారు. దేవిశ్రీప్రసాద్ ఈ చిత్రానికి సంగీతం అందిస్తున్నారు. జూలై 1వ తేదీన ప్రేక్షకుల ముందుకు రాబోతుంది. ఇప్పటికే ఈ మూవీ నుండి విడుదలైన టీజర్, ఫస్ట్ లిరికల్ సాంగ్ ప్రేక్షకుల నుండి విశేష ఆదరణ పొందగా, తాజాగా ఈ మూవీ నుండి మరొక లిరికల్ సాంగ్ ను రిలీజ్ చేయబోతున్నట్టు చిత్రబృందం అధికారిక ప్రకటన చేసింది. ఈ మేరకు సెకండ్ సింగిల్ ప్రోమో ను రిలీజ్ చేసింది. హీరోహీరోయిన్ల మధ్య సాగే రొమాంటిక్ గీతంగా తెరకెక్కించిన ఈ పాట ఈ నెల 6వ తేదీన ఉదయం పదకొండు గంటలకు విడుదల కానుంది. స్టార్ సింగర్ అర్మాన్ మాలిక్ తో కలిసి హరి ప్రియ ఈ గీతాన్ని ఆలపించారు. కధల ఎంపికలో వైష్ణవ్ రూటే సెపరేటు. విభిన్న కధలను ఎంచుకుంటూ విజయాలను అందుకుంటున్న వైష్ణవ్ నుండి రాబోతున్న చిత్రం కావడంతో ప్రేక్షకులు "రంగ రంగ వైభవంగా" సినిమా కోసం ఎదురుచూస్తున్నారు.
|
|