పవన్ సినిమాలో కీలకపాత్ర పోషించనున్న బాలీవుడ్ ఐటెం భామ..?
cinema | Suryaa Desk | Published : Wed, May 04, 2022, 10:05 PM
బాలీవుడ్ ఐటెం గర్ల్ నోరా ఫతేహి తెలుగులో బాహుబలి, టెంపర్, కిక్ 2 వంటి చిత్రాలలో స్పెషల్ సాంగ్స్ చేసి బాగా పాపులర్ అయ్యింది. అయితే, ఫిలిం నగర్ సర్కిల్స్ నుండి అందుతున్న తాజా సమాచారం ప్రకారం, పవర్ స్టార్ పవన్ కళ్యాణ్ నటిస్తున్న ఫస్ట్ పాన్ ఇండియా మూవీ 'హరిహరవీరమల్లు' లో కీలక పాత్రను పోషించబోతుందంట. జాగర్లమూడి క్రిష్ దర్శకత్వంలో 'హరిహరవీరమల్లు' మూవీలో నిధి అగర్వాల్ హీరోయిన్. ఈ సినిమాలో రోషనార (షాజహాన్ మూడవ కుమార్తె, ఔరంగజేబు సోదరి) పాత్రలో నోరా నటించనుందని టాక్. అయితే ముందుగా ఈ పాత్రకు బాలీవుడ్ స్టార్ హీరోయిన్ జాక్వెలిన్ ఫెర్నాండేజ్ పేరు వినిపించగా, తాజాగా నోరా పేరు వినిపించటం ఆ పాత్రకున్న ప్రాముఖ్యతను తెలియచేస్తుంది. ఎంతటి కష్టమైన డ్యాన్స్ మూవ్మెంట్స్ నైనా సునాయాసంగా చేయగల నోరా తన ముఖంలో భావాలను కూడా బాగా పలికిస్తుంది. ఈ కారణంతోనే రోషనార పాత్రకు నోరాను ఎంపిక చేసినట్టు టాక్. మెగా సూర్య ప్రొడక్షన్ బ్యానర్ పై A. దయాకరరావు నిర్మిస్తున్న ఈ చిత్రానికి A.M రత్నం సమర్పకుడిగా వ్యవహరిస్తున్నారు.
|
|