రోడ్డుపైన స్పైసీ క్యాట్ వాక్ తో రచ్చ చేస్తున్న సీనియర్ హీరో డాటర్

చిత్రసీమలో వారసత్వం చాలా సహజం. నటీనటుల పిల్లలు, మనవాళ్ళు, కజిన్ల పిల్లలు... ఇలా బీరకాయ పీచు సంబంధంతో తమ కుటుంబ వారసత్వాన్ని చిత్రసీమలో నడిపిస్తున్న వారున్నారు. బాలీవుడ్లో కూడా ఇదే పరిస్థితి. అయితే అక్కడ స్టార్ హీరోల కొడుకులతో పాటు కూతుళ్లు కూడా నటవారసత్వాన్నీ పంచుకోవడం విశేషం. హీరో సునీల్ శెట్టి కూతురు అతియా శెట్టి, నిర్మాత మహేష్ భట్ కూతురు ఆలియా భట్, శత్రుఘ్న సిన్హా కూతురు సోనాక్షి సిన్హా, శక్తి కపూర్ కూతురు శ్రద్దా కపూర్, శ్రీదేవి కూతురు జాన్వీ కపూర్  ఇప్పటికే బాలీవుడ్లో ట్యాలెంటెడ్ హీరోయిన్లుగా రాణిస్తుండగా, బాలీవుడ్ బాద్షా షారుఖ్ కూతురు సుహానా, శ్రీదేవి చిన్న కూతురు ఖుషీ కపూర్ ల రాక కోసం బాలీవుడ్ సిల్వర్ స్క్రీన్ ఎంతో ఈగర్ గా వెయిట్ చేస్తుంది. 

కానీ మన తెలుగు విషయానికి వస్తే, ఇక్కడ హీరోల వారసులు మాత్రమే చిత్రసీమలో అడుగుపెడతారు. కూతుళ్లను ఇండస్ట్రీలోకి రానివ్వరు. దీనికి గల కారణం మాత్రం తెలీదు. అయితే తొలిసారి ఒక స్టార్ హీరో ఫామిలీ నుండి వచ్చి ఇలాంటి మూఢనమ్మకాలకు చెక్ పట్టింది ఒక యువతీ. మెగా ఫ్యామిలీ నుండి టాలీవుడ్ కి హీరోయిన్  గా ఎంట్రీ ఇచ్చింది మెగా డాటర్ నిహారిక. అయితే కొన్ని సినిమాలకే ఆమె పరిమితమై తర్వాత పెళ్లి చేసుకుని నిర్మాతగా మారింది.  టాలీవుడ్ ఇండస్ట్రీలో పుత్రికల వారసత్వాన్ని కొనసాగిస్తూ సీనియర్ హీరో రాజశేఖర్ కూతుళ్లు శివాని, శివాత్మిక లిద్దరు కూడా సినిమాల్లోకి ఎంట్రీ ఇవ్వటం నిజంగా గ్రేట్. వీరిద్దరూ తెలుగులో ఇప్పటికే కొన్ని సినిమాల్లో కనిపించగా, కెరీర్ కు బ్రేక్ ఇచ్చే ఆఫర్ కోసం వెయిట్ చేస్తున్నారు. అయితే ఈ క్రమంలో శివాని తన కెరీర్లో ఒక కొత్త మలుపు తీసుకుందామని ఆలోచించి వినూత్న నిర్ణయం తీసుకుంది. 

నటిగా కొనసాగుతూనే అందాల పోటీల్లో పాల్గొని తన సత్తా చాటాలనుకుంటుంది. ఈ మేరకు మిస్ ఇండియా టాప్ 31లో శివాని చోటు సంపాదించుకోవడం విశేషం. ఈ క్రమంలో తాజాగా ఆమె సోషల్ మీడియాలో ఒక వీడియోను పోస్ట్ చేసింది. ఫారిన్ వీధుల్లో హొయలు పోతూ స్పైసీ క్యాట్ వాక్ చేసింది. ఈ వీడియో చూసిన వారందరూ శివాని స్టైల్ కు, ఆమె యాటిట్యూడ్ కు, ఫేసియల్ ఎక్స్ప్రెషన్స్ కు ఫిదా అవుతున్నారు. మిస్ ఇండియా అందాల పోటీలు 2022లో కిరీటం సాధించి, తెలుగు గడ్డ ఉనికిని విశ్వవ్యాప్తంగా చాటాలని ప్రేక్షకులు కోరుకుంటున్నారు.