ఒక్క ట్వీట్ కు పది లక్షలా? స్టార్ హీరోలకు సమానంగా ... సంపాదిస్తున్న సినీ క్రిటిక్

ఏదైనా ఉత్పత్తిని ప్రమోట్ చేసేందుకు స్టార్ హీరోలు యాడ్ లు చేస్తారు. ఇది తెలిసిన విషయమే. ఇందుకోసం సదరు కంపెనీ నుండి ఆయా హీరోలు కోట్లకొద్దీ రెమ్యునరేషన్ ను అందుకుంటుంటారు. జనాల్లో ఆ హీరోలకుండే ఫాలోయింగ్ ను బట్టే కంపెనీలు కూడా వారికి భారీ మొత్తని ముట్టచెప్తుంటాయి. ఇటీవల సోషల్ మీడియా రంగం బాగా అభివృద్ధి చెందటంతో ప్రముఖ కంపెనీలు దీనిని కూడా తమ ప్రోడక్ట్ ల ప్రమోషన్స్ కు వాడేస్తున్నాయి. ఇందుకోసం సోషల్ మీడియాలో బలమైన వ్యక్తిని అంటే ఎక్కువ ఫాలోవర్లున్న సెలెబ్రిటీలను ఎంచుకొంటుంటారు. సదరు సెలెబ్రిటీలు సోషల్ మీడియాలో చేసే చిన్న పోస్ట్ కు లేదా ట్వీట్ కు కూడా లక్షల్లో పారితోషికం అందుకుంటున్నారు.

బాలీవుడ్ లో ఉన్న సినీ క్రిటిక్ కూడా తను చేసే ఒక్క ట్వీట్ కు ఏకంగా 10లక్షల రూపాయలను పొందుతున్నాడట. స్టార్ హీరోలకు, ఫేమస్ సెలెబ్రెటీలకు సరిసమానమైన రెమ్యూనరేషన్ ఇది. అయితే ఫేస్ కూడా తెలియని ఒక సినీ క్రిటిక్ కు ఇంతమొత్తం ముట్టజెప్పి ఎందుకు ప్రమోట్ చేయిస్తున్నారని అనుకుంటున్నారా. ఎందుకంటే, ఆయన చేసే ఒకేఒక్క ట్వీట్ ఫ్లాప్ చిత్రాన్ని సైతం హిట్ ట్రాక్ లోకి తీసుకురాగలదు. ఇటీవలి కాలంలో సినిమా హిట్ అవ్వాలంటే రెండు దారులున్నాయి. ఒకటి పాజిటివ్ మౌత్ టాక్. రెండోది సినీవిశ్లేషకుల పాజిటివ్ రివ్యూలు. దీంతో సోషల్ మీడియాలో లక్షలకొద్దీ ఫాలోవర్లున్న ఈ క్రిటిక్ తో పాజిటివ్ రివ్యూలు రాయమని డీల్ మాట్లాడుకుంటున్నారంట. అయితే ఈ పని చేసేది ఎవరో అనుకోకండి. మన తెలుగు సినిమా వాళ్లే. ప్రస్తుత కాలంలో మన హీరోలు తెలుగుతో పాటు హిందీ మీద కూడా ఫోకస్ పెడుతున్న విషయం తెలిసిందే కదా. ఈ క్రమంలో వారు చేసే తెలుగు సినిమాలకు బాలీవుడ్లో పాజిటివ్ రివ్యూ ఇవ్వమని ఇతనికి భారీ మొత్తాన్ని ఎరగా వేస్తున్నారట. చిన్న సినిమా వాళ్ళైతే యాభై వేల నుండి ఒక లక్ష వరకు ఇతనికి ముట్టజెప్పి తమ సినిమాలకు భారీ హైప్ తెప్పించే ప్రయత్నం చేస్తున్నారని టాక్. రివ్యూల సంగతి అటుంచితే, మన హీరోల అవసరాల్ని క్యాష్ చేసుకుంటున్న సదరు క్రిటిక్ మాత్రం ఆర్ధికంగా లాభపడుతున్నాడు. ఇది ఎంతవరకు న్యాయం? అన్నది ఆ క్రిటిక్ ఒక్కసారి ఆలోచించుకుంటే బావుంటుంది.