'కాఫీ విత్ కరణ్' షోలో పాల్గొననున్న టాలీవుడ్ క్రేజీ సెలెబ్రిటీలు వీళ్ళే

బాలీవుడ్ స్టార్ డైరెక్టర్, ప్రొడ్యూసర్, యాక్టర్, టెలివిజన్ హోస్ట్ అయిన కరణ్ జోహార్ బుల్లితెరపై చేస్తున్న టాక్ షో కాఫీ విత్ కరణ్. 2004లో ప్రారంభమైన ఈ టాక్ షో 2019 వరకు స్టార్ వరల్డ్, స్టార్ వన్ ఛానెళ్లలో నిర్విరామంగా ప్రసారం చేయబడింది. నటీనటులు వారి కొత్త సినిమా విడుదలయ్యే తరుణంలో ఈ టాక్ షో పాల్గొని కాఫీ తాగుతూ సినిమా ముచ్చట్లను చెప్పుకుంటారు. బాలీవుడ్ లో ఈ షో సూపర్ సక్సెస్ అయ్యింది. అయితే నిన్ననే ఈ షోను ముగిస్తున్నట్టు తెలిపి కరణ్ బాలీవుడ్ జనాలకు షాక్ ఇచ్చాడు. ఆరు సీజన్లు గ్రాండ్ గా కంప్లిట్ చేసుకున్న ఈ షో ఏడవ సీజన్ కోసం హిందీ జనాలు కళ్ళు కాయలు కాసేలా ఎదుచూస్తుంటే, కరణ్ ప్రకటన ఒక్కసారిగా వారిని కుదేలు చేసింది. కొన్ని గంటల తర్వాత కాఫీ విత్ కరణ్ షోను బుల్లితెర మీద ముగిస్తున్నాం. సరికొత్త సీజన్ తో డిస్నీ ప్లస్ హాట్ స్టార్ ఓటిటిలో సందడి చేయనున్నాం అంటూ కరణ్ చేసిన ట్వీట్ తో బాలీవుడ్ జనాలు ఉపిరి పీల్చుకున్నారు. 

పోతే.... ఈ షోలో టాలీవుడ్ నుండి ముగ్గురు సెలెబ్రిటీ పెయిర్స్ పాల్గొనబోతున్నట్టు సమాచారం. దీనికి సంబంధించి ఎలాంటి అధికారిక ప్రకటన లేకపోయినప్పటికీ ఆ సెలెబ్రిటీలెవరో ఓ లుక్కేద్దాం రండి. 

1. చెర్రీ-తారక్: ఈ ద్వయం రాజమౌళి తెరకెక్కించిన ఆర్ ఆర్ ఆర్ తో పాన్ ఇండియా రేంజులో బాగా ఫేమస్ అయ్యిన విషయం అందరికి తెలిసిందే. ముఖ్యంగా బాలీవుడ్ నాట ఈ ద్వయానికి ఉన్న ఫాలోయింగ్, క్రేజ్ వేరే లెవెల్. ఇప్పటికే ఆర్ ఆర్ ఆర్ ప్రమోషన్స్ సందర్భంగా పలు ఇంటర్వ్యూలలో కలిసి పాల్గొన్న వీరిద్దరితో మరోసారి ముచ్చటించటానికి కరణ్ రంగం సిద్ధం చేస్తున్నాడట. 

2. విఘ్నేష్-నయన్: గత కొంతకాలంగా చాలా సైలెంట్ గా ప్రేమించుకుంటున్న ఈ జంట మీడియాకెప్పుడూ కలిసి ఇంటర్వ్యూ ఇవ్వలేదు. వీరిద్దరి ముచ్చట్లను లైవ్ లో చూడాలని అభిమానులు తెగ ముచ్చట పడుతున్నారు . వీరి కోరికను తీర్చేందుకు కరణ్ ముందుకు రావటం విశేషం. 

3. సమంత-రష్మిక: ఇటీవలి కాలంలో మంచి లైం లైట్ లో ఉన్న వీరిద్దరిని కూడా కరణ్ తన షోకు ఆహ్వనించాలనుకుంటున్నాడట. ఈ బాధ్యతను కరణ్ హీరో విజయ్ దేవరకొండకు అప్పగించాడని టాక్.