'భళా తందనాన' మూవీ విజయంపై నమ్మకంగా ఉన్న శ్రీవిష్ణు... ఎందుకంటే సినిమాలో...!
cinema | Suryaa Desk | Published : Thu, May 05, 2022, 11:40 PM
టాలీవుడ్ ట్యాలెంటెడ్ హీరో శ్రీవిష్ణు నటిస్తున్న కొత్త చిత్రం భళా తందనాన. ఇటీవల జరిగిన ఈ మూవీ ప్రీ రిలీజ్ ఈవెంట్ కు దర్శకధీరుడు రాజమౌళి హాజరై మూవీకి కావాల్సినంత హైప్ ను తీసుకొచ్చారు. చైతన్య దంతులూరి దర్శకత్వంలో రూపొందిన ఈ చిత్రంలో కేథరిన్ థెరిస్సా హీరోయిన్. మణిశర్మ మ్యూజిక్ అందించారు. పక్కా యాక్షన్ ఎంటర్టైనర్ గా ప్రేక్షకుల ముందుకు రాబోతున్న ఈ మూవీ నుండి ఇప్పటికే విడుదలైన పోస్టర్లు, టీజర్ మంచి బజ్ ను క్రియేట్ చేసాయి. మే 6 న విడుదల కాబోతున్న ఈ చిత్రానికి సంబంధించి, ఒక ఇంటర్వ్యూలో పాల్గొన్న శ్రీ విష్ణు ఆసక్తికర వ్యాఖ్యలను చేసారు. ఈ మూవీ ప్రీ క్లైమాక్స్, క్లైమాక్స్ ఎవ్వరూ ఊహించని విధంగా, చాలా సరికొత్తగా ఉంటాయని చెప్పారు. ముఖ్యంగా క్లైమాక్స్ బాగా నచ్చుతుందని, క్లైమాక్స్ తో ప్రేక్షకులకు గూస్ బంప్స్ ఖాయమని శ్రీవిష్ణు తెలిపారు. కేజీఎఫ్ ఫేమ్ గరుడ సీన్స్ చాలా బాగుంటాయని పేర్కొన్నారు. 'బాణం' సినిమానుండే చైతన్య దంతులూరి తో పరిచయముందని, 14 ఏళ్లుగా తామిద్దరం స్నేహితులమని విష్ణు తెలిపారు. 2000 కోట్ల రూపాయల హవాలా నేపథ్యంతో నడిచే కధకి, అన్ని ఎమోషన్స్ ను జోడించి ఒక అద్భుతమైన సినిమాగా దర్శకుడు మలిచారని శ్రీవిష్ణు తెలిపారు.
|
|