'ఇడియట్స్' తో టాలీవుడ్ కి రీఎంట్రీ ఇవ్వనున్న కలర్స్ స్వాతి... ఫస్ట్ లుక్ పోస్టర్ రిలీజ్ ...
cinema | Suryaa Desk | Published : Thu, May 05, 2022, 11:35 PM
స్వాతి రెడ్డి.. అచ్చతెలుగు ఆడపడుచు. తన క్యూట్ మాటలతో, చక్కటి అందం,అభినయంతో తెలుగు ప్రేక్షకుల హృదయాల్లో మంచి స్థానం సంపాదించుకుంది. అష్టాచెమ్మా, స్వామి రారా, కార్తికేయ వంటి సినిమాలు తప్పితే టాలీవుడ్లో ఆమెకు మంచి హిట్ సినిమా అవకాశాలు రాలేదు. కానీ తమిళం లో వరస సినిమాలను చేసి హీరోయిన్ గా మంచి గుర్తింపు తెచ్చుకుంది. ఈ క్రమంలోనే వికాస్ వాసు ను 2018లో వివాహం చేసుకుని విదేశాలకు వెళ్ళిపోయింది.
ఇటీవలనే విదేశాలనుండి తిరిగొచ్చిన స్వాతి, టాలీవుడ్ కి రీఎంట్రీ ఇవ్వబోతుంది. ఆదిత్య హాసన్ దర్శకత్వం చేస్తున్న ఇడియట్స్ చిత్రంలో లీడ్ రోల్ లో స్వాతి నటిస్తుంది. తెలంగాణా నేపథ్యంలో సాగే ఫన్ అండ్ ఫ్యామిలీ ఎంటర్టైనర్ గా ఈ సినిమా తెరకెక్కబోతుందని మేకర్స్ తెలిపారు. దర్శకుడు నవీన్ మేడారం దర్శకత్వ పర్యవేక్షణలో తెరకెక్కుతున్న ఈ చిత్రాన్ని అభిషేక్ నమ నిర్మిస్తున్నారు. తాజాగా ఈ మూవీ నుండి ఫస్ట్ లుక్ పోస్టర్ ను రిలీజ్ చేసారు నిర్మాతలు. పోస్టర్ డిజైన్, క్రేజీ టైటిల్ ఈ సినిమాపై పాజిటివ్ బజ్ క్రియేట్ చేస్తున్నాయి. ఈ చిత్రంలో స్వాతి తో పాటు నిఖిల్ దేవాదుల, సిద్ధార్థ్ శర్మ, శ్రీ హర్ష కీలక పాత్రలు పోషిస్తున్నారు. పంచతంత్రం అనే సినిమాలో కూడా స్వాతి లీడ్ రోల్ లో నటిస్తుంది.
|
|