OTT స్ట్రీమింగ్ పార్టనర్ ని లాక్ చేసిన 'భళా తంధనాన'
cinema | Suryaa Desk | Published : Fri, May 06, 2022, 12:49 PM
చైతన్య దంతులూరి దర్శకత్వంలో టాలీవుడ్ యంగ్ అండ్ టాలెంటెడ్ హీరో శ్రీవిష్ణు ఒక సినిమా చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి 'భళా తందనానా' అనే టైటిల్ ని మేకర్స్ లాక్ చేసారు. ఈ సినిమాలో శ్రీవిష్ణు సరసన కేథరిన్ థ్రెసా జంటగా నటిస్తుంది. ఈ సినిమాని మే 6, 2022న థియేటర్లలో విడుదల చేయనున్నట్లు మూవీ మేకర్స్ ప్రకటించారు. కేజీఎఫ్ ఫేమ్ రామచంద్రరాజు ఈ సినిమాలో విలన్గా నటించారు. సత్య, శ్రీనివాస్ రెడ్డి, పోసాని కృష్ణ మురళి, ఆదర్శ్ బాలకృష్ణ తదితరులు ఈ సినిమాలో కీలక పాత్రలో కనిపించనున్నారు. తాజా రిపోర్ట్స్ ప్రకారం, ప్రముఖ OTT ప్లాట్ఫారమ్ డిస్నీ ప్లస్ హాట్స్టార్ ఈ సినిమా డిజిటల్ రైట్స్ ని సొంతం చేసుకోగా, స్టార్ మా శాటిలైట్ రైట్స్ ని కొనుగోలు చేసింది. ఈ నెలాఖరులో హాట్స్టార్లో ఈ సినిమా ప్రసారం చేయడానికి అందుబాటులో ఉంటుంది అని సమాచారం. వారాహి చలనచిత్రం పతాకంపై రజనీ కొర్రపాటి ఈ మూవీని నిర్మిస్తున్నారు. ఈ చిత్రానికి మణిశర్మ సంగీతం అందించారు.
|
|