SVP నుండి సూపర్ అప్డేట్... త్వరలోనే ఫ్యాన్స్ కోరుకుంటున్న మ మ మ మహేష్ పాట
cinema | Suryaa Desk | Published : Fri, May 06, 2022, 12:50 PM
బోయపాటి శ్రీను డైరెక్షన్లో నందమూరి బాలకృష్ణ నటించిన యాక్షన్ ఎంటర్టైనర్ అఖండ. ఇందులో జై బాలయ్య అనే పాట మాసివ్ హిట్ అయింది. ఈ పాటతో జై బాలయ్య అనే మాట చాలా పాపులర్ అయ్యింది. ప్రేక్షకులు జై బాలయ్య ను చాలా విరివిగా వాడుతూ దాన్ని ఒక స్లోగన్ గా చేసేస్తున్నారు. ఈ నేపథ్యంలో ఇంత పాపులర్ ఐన జై బాలయ్య స్లోగన్ ను ఆదర్శంగా తీసుకుని మహేష్ కొత్త చిత్రం సర్కారువారిపాట లో ఒక పాటను రూపొందిస్తున్నాడు థమన్. బాలకృష్ణ అఖండ, మహేష్ సర్కారువారిపాట ఈ రెండు చిత్రాలకు మ్యూజిక్ డైరెక్టర్ థమన్. జై బాలయ్య తరహాలో 'మ మ మ మహేష్' అనే మాస్ పాటను మహేష్ చిత్రం కోసం థమన్ స్వరపరిచాడు. తాజాగా ఈ పాట లిరికల్ వర్షన్ ను మే 7వ తేదీన రిలీజ్ చెయ్యబోతున్నట్టు నిర్మాతలు అధికారిక ప్రకటన చేసారు. మ మ మ మహేష్ పాట ఈ సీజన్ కే ఊర మాస్ సాంగ్ అంటూ నిర్మాతలు ప్రకటించారు. తాజాగా విడుదలైన పోస్టర్ తో మేకర్స్ ప్రకటన నిజమేననిపిస్తుంది. ఈ పాటకు మహేష్, కీర్తి ఇద్దరూ కలిసి మాస్ స్టెప్పులేస్తూ, థియేటర్లో ప్రేక్షకుల చేత విజిల్స్ కొట్టిస్తారని నమ్మకంగా చెప్తున్నారు చిత్రబృందం. అనంత శ్రీరామ్ సాహిత్యమందించిన ఈ పాటకు శేఖర్ మాస్టర్ కొరియోగ్రఫీ చేసారు.
పరశురామ్ డైరెక్షన్ చేస్తున్న ఈ మూవీ ని మైత్రి మూవీ మేకర్స్, 14 రీల్స్ ప్లస్, GMB ఎంటర్టైన్మెంట్స్ సంస్థలు సంయుక్తంగా నిర్మిస్తున్నాయి. ఇప్పటికే ఈ మూవీ నుండి విడుదలైన కళావతి, పెన్నీ టైటిల్ పాటలు శ్రోతలను మైమరిపిస్తున్నాయి. ఈ సినిమా మే 12 న విడుదల కానుంది.
|
|