నేడు విడుదల కానున్న 'RRR' లోని కొమురం భీముడో వీడియో సాంగ్
cinema | Suryaa Desk | Published : Fri, May 06, 2022, 12:52 PM
రాజమౌళి డైరెక్షన్ లో టాలీవుడ్ స్టార్ హీరోస్ జూనియర్ ఎన్టీఆర్ అండ్ రామ్ చరణ్ నటించిన 'RRR' సినిమా మార్చి 25, 2022న ప్రపంచవ్యాప్తంగా థియేటర్లలో విడుదలైంది. అప్పటి నుంచి ఈ సినిమా అన్ని చోట్లా బాక్సాఫీస్ వద్ద సెన్సేషనల్ రికార్డ్స్ ని క్రియేట్ చేస్తోంది. తాజా సమాచారం ప్రకారం, 100కోట్లకు పైగా వసూలు చేసిన తొలి తెలుగు చిత్రంగా 'RRR' సినిమా నిలిచింది. ఈ భారీ బడ్జెట్ యాక్షన్ డ్రామా సినిమా రిలీజ్ తర్వాత 'కొమురం భీముడో' సాంగ్ సెన్సేషన్ ని సృష్టించిన సంగతి అందరికి తెలిసిందే. జూనియర్ ఎన్టీఆర్ తన అద్భుతమైన నటనతో పాటను మరింత ఎమోషనల్గా మార్చాడు. తాజాగా మూవీ మేకర్స్ ఈరోజు సాయంత్రం 4 గంటలకు 'కొమురం భీముడో' వీడియో సాంగ్ను అన్ని భాషలలో విడుదల చేయనున్నట్లు ప్రకటించారు. ఈ విషయాన్ని సోషల్ మీడియాలో మేకర్స్ అధికారికంగా ప్రకటించారు. ఈ యాక్షన్ డ్రామా మూవీలో అలియాభట్, సముద్రఖని, అజయ్ దేవగన్, శ్రియా శరణ్, ఒలివియా మోరిస్ ముఖ్య పాత్రలు పోషిస్తున్నారు. ఈ చిత్రాన్ని డివివి దానయ్య భారీ స్థాయిలో నిర్మించారు. ఈ చిత్రానికి ఎంఎం కీరవాణి సంగీతం అందించారు.
|
|