టాప్ స్టార్స్ ఇచ్చిన రిప్లయ్ కి నోరెళ్లబెట్టిన కృతి శెట్టి? ఇంతకీ వారేమన్నారంటే?

సోషల్ మీడియా ఖాతాలలో, ప్రముఖ సంస్థల ప్రకటనలలో కనిపిస్తూ కృతిశెట్టి బాగా పాపులర్ అయ్యింది. ఈ క్రమంలో ఆమెకు తెలుగు సినిమా తొలి హీరోయిన్ అవకాశాన్నిచ్చింది. మెగా మేనల్లుడు వైష్ణవ తేజ్ నటించిన ఉప్పెన సినిమాలో హీరోయిన్ గా నటించి ప్రేక్షకుల గుండెల్లో చిన్నపాటి ఉప్పెననే తీసుకొచ్చింది కృతి. ఈ సినిమా సూపర్ డూపర్ హిట్ అవ్వడంతో టాలీవుడ్ ఆమెకు వరస ఆఫర్లనిచ్చింది. ఇప్పటికే కృతి నటించిన శ్యామ్ సింగ రాయ్, బంగార్రాజు చిత్రాలు మంచి విజయం సాధించాయి. ఇంకా కృతి నుండి రావడానికి రామ్ పోతినేని నటిస్తున్న ది వారియర్, నితిన్ నటిస్తున్న మాచర్ల నియోజకవర్గం, సుధీర్ బాబు నటిస్తున్న ఆ అమ్మాయి గురించి మీకు చెప్పాలి వంటి చిత్రాలున్నాయి. సూర్య -బాలా కాంబోలో వస్తున్న తమిళ చిత్రంలో కూడా కృతి హీరోయిన్ గా ఫిక్స్ అయ్యింది. ఇదే కృతి తొలి తమిళ సినిమా. 

అయితే, ఈ ప్రాజెక్టులేవీ కృతిని టాప్ రేస్ లోకి అనుమతించవు. దీంతో టాప్ హీరోయిన్ రేసులో ముందు ఉండాలనుకుంటున్న కృతి తన మేనేజర్ మీద ఒత్తిడి తీసుకొస్తుందట. టాలీవుడ్ బడా హీరోలు, బడా నిర్మాతల సినిమాలలో ఛాన్సులు తీసుకురమ్మని మేనేజర్ ను విసిగిస్తుందట. ఈ మేరకు ఆ టాప్ హీరోలు, దర్శకుల నుండి వచ్చిన ఆన్సర్ కు కృతి షాక్ అయ్యిందట. 

స్టార్ హీరోల సరసన నటించాలంటే రెండే మార్గాలు. ఒకటి గ్లామర్ ఎక్స్పోజ్, రెండు అద్భుతమైన నటన. కాజల్, పూజా హెగ్డేల లాగా గ్లామర్ షో చేసినా, లేక కీర్తి సురేష్ లా అద్భుతమైన నటన కనబరిచినా, లేక సమంత, రష్మిక లాగా ఈ రెండూ చేసినప్పుడే బడా హీరోల పక్కన నటించే అవకాశం వస్తుందని ఖరాఖండిగా చెప్పేశారట. దీంతో కీర్తి ఒక్కసారిగా నోరెళ్లబెట్టిందట.  అయినా కృతి టీనేజ్ గర్ల్. ఇప్పుడిప్పుడే నటనలో ఓనమాలు నేర్చుకుంటుంది. స్క్రీన్ పై గ్లామర్ షోకు దూరమంటున్న కృతి భవిష్యత్తులోనైనా బిగ్ సినిమాలలో అవకాశాలు కొట్టేస్తుందేమో చూడాలి.