హాఫ్ సెంచరీలో పెళ్లి ఆలోచనలేంటి ?... మలైకా పై నెటిజన్ల విమర్శలు...
cinema | Suryaa Desk | Published : Sat, May 07, 2022, 08:35 PM
మలైకా అరోరా... బాలీవుడ్ నటి. డ్యాన్సర్. బాలీవుడ్ కండల వీరుడు సల్మాన్ ఖాన్ తమ్ముడు అర్బాజ్ ఖాన్ మాజీ భార్య. పవన్ కళ్యాణ్ గబ్బర్ సింగ్ సినిమాలో 'కెవ్వుకేక' పాటతో తెలుగు ప్రేక్షకులకు కూడా పరిచయమే. 1997లో ప్రేమించి పెళ్లి చేసుకున్న అర్బాజ్,మలైకా జంట విభేదాల కారణంగా 2017లో విడాకులు తీసుకున్నారు. ఈ జంటకు అర్హాన్ ఖాన్ అనే కొడుకు ఉన్నాడు. ప్రస్తుతం మలైకా, కొడుకుతో కలిసి నివసిస్తోంది.
అయితే, గత మూడేళ్ళ నుండి మలైకా బాలీవుడ్ స్టార్ ప్రొడ్యూసర్ కొడుకుతో ప్రేమాయణం సాగిస్తుంది. అతనెవరో కాదు బోనీ కపూర్ వారసుడు అర్జున్ కపూర్. వయసులో మలైకా కన్నా అర్జున్ పన్నెండేళ్ళు చిన్నవాడు. మలైకా వయసు 48 ఐతే అర్జున్ వయసు 36ఏళ్ళు. దీంతో వీరిద్దరి రిలేషన్ పై పలు విమర్శలు వస్తున్నాయి. తాజాగా ఒక ఇంటర్వ్యూలో మాట్లాడిన మలైకా, అర్జున్ తో తన వివాహంపై పరోక్ష వ్యాఖ్యలు చేసింది. మా ఇద్దరి భవిష్యత్తును కలిసి నిర్మించుకోవాలని, అందుకు తగిన ప్లాన్ కూడా అమలు చేస్తున్నామని మలైకా పేర్కొంది. మలైకా చేసిన ఈ వ్యాఖ్యల వీడియో ప్రస్తుతం సోషల్ మీడియాలో హల్చల్ చేస్తుంది. హాఫ్ సెంచరీకి దగ్గరవుతున్న నీకు పెళ్లి అవసరమా? అది కూడా ఒక యువకుడితో? అని కొంతమంది నెటిజన్లు మలైకా ను తీవ్రంగా విమర్శిస్తున్నారు. ఒకవేళ అన్ని అనుకున్నట్టు జరిగితే, ఈ ఏడాదిలోనే మలైకా-అర్జున్ ల వివాహం జరగొచ్చు. చూద్దాం. భవిష్యత్తులో ఏం జరుగుతుందో.
|
|