నేనా....బాలీవుడ్డా... నో వే... అంటున్న టాలీవుడ్ సూపర్ స్టార్
cinema | Suryaa Desk | Published : Tue, May 10, 2022, 01:32 PM
ఇటీవలి కాలంలో సౌత్, నార్త్ అనే తేడా లేకుండా పాన్ ఇండియా వ్యాప్తంగా గుర్తింపు తెచ్చుకోవాలని నటీనటులు పాకులాడుతున్నారు. సౌత్ వాళ్ళు నార్త్ లో పాగా వేసేందుకు ఇప్పటికే పావులు కదిపితే, నార్త్ వాళ్ళు మాత్రం ఇంకా సౌత్ లో సినిమాలు చెయ్యాలనే ఆలోచనలోనే ఉన్నారు. ప్రభాస్, అల్లు అర్జున్, రామ్ చరణ్, తారక్ వంటి బిగ్ స్టార్ లు బాలీవుడ్ ఎంట్రీ ఇచ్చి అక్కడ కూడా భారీ ఫ్యాన్ బేస్ ను సంపాదించుకున్నారు. ఈ క్రమంలో అందరి దృష్టి టాలీవుడ్ సూపర్ స్టార్ మహేష్ బాబు పై పడింది.
మహేష్ బాబు ... హాలీవుడ్ హీరోలను సైతం తలదన్నే అందగాడు. ఇక బాలీవుడ్ లో అయితే సరేసరి. మహేష్ బాలీవుడ్ ఎంట్రీ ఇవ్వాలే కానీ ఆయన అందానికి ముగ్ధులవని వారుండరు. మరి టాలీవుడ్ లో సూపర్ స్టార్ ఇమేజుండి, కళ్ళు చెదిరే అందముండి కూడా మహేష్ ఎందుకు బాలీవుడ్ వైపు అడుగులు వెయ్యట్లేదు? అని ఆయన అభిమానులు అనుకుంటున్నారు. తాజాగా తాను ప్రొడ్యూస్ చేసిన మేజర్ మూవీ ప్రమోషన్స్ లో పాల్గొన్న మహేష్ ఈ విషయంలో క్లారిటీ ఇచ్చారు. తనను బాలీవుడ్ భరించలేదంటూ చెప్పి అభిమానులతో పాటు ప్రేక్షకులను కూడా ఆశ్చర్యపరిచారు. ఆయన మాట్లాడుతూ... హిందీ పరిశ్రమ నుండి తనకు ఎక్కువ ఆఫర్లు రాలేదని, నన్ను భరించలేని పరిశ్రమలో అడుగు పెట్టి టైం వేస్ట్ చెయ్యదలచుకోలేదని అన్నారు. టాలీవుడ్ లో నాకున్న స్టార్డం కి, సూపర్ స్టార్ ఇమేజ్ కి ఎంతో సంతోషంగా ఉన్నాను. తెలుగు చిత్ర పరిశ్రమను విడిచి వేరే పరిశ్రమకు వెళ్లాలనే ఆలోచన ఎంతమాత్రమూ లేదు అని మహేష్ వివరణ ఇచ్చారు.
|
|