మదర్స్ డే సందర్భంగా తల్లికి ఖరీదైన బహుమతినిచ్చిన హీరోయిన్ రాశీఖన్నా
cinema | Suryaa Desk | Published : Tue, May 10, 2022, 04:52 PM
ఊహలు ఊహలు గుసగుసలాడే సినిమాతో హీరోయిన్గా టాలీవుడ్ కి ఎంట్రీ ఇచ్చింది ఢిల్లీ బ్యూటీ రాశీఖన్నా. అప్పటినుండి వరసగా కమర్షియల్ సినిమాలలో ఆఫర్లు కొట్టేస్తూ స్టార్ హీరోయిన్గా ఎదిగింది. టాలీవుడ్,కోలీవుడ్, మాలీవుడ్ అంటూ వరస సినిమాలతో బిజీగా ఉన్న రాశీ ఈ మధ్యనే బాలీవుడ్లో కూడా అడుగుపెట్టింది. రుద్ర అనే హిందీ వెబ్ సిరీస్ లో అజయ్ దేవగణ్ సరసన నటించి మంచి మార్కులు కొట్టేసింది. మరో బాలీవుడ్ స్టార్ హీరో సిద్దార్ధ్ మల్హోత్రా సరసన యోధ అనే సినిమాలో హీరోయిన్గా కూడా నటిస్తుంది. ఈ ఆదివారం మాతృదినోత్సవ సందర్భంగా రాశీ తన తల్లి సరితా ఖన్నాకు ఖరీదైన బహుమతిని ఇచ్చింది. 1.25 కోట్లు విలువ చేసే BMW కారును తల్లికిచ్చి ఆమె మొఖంలో సంతోషాన్ని చూసి రాశి ఎంతో మురిసిపోయింది. తన కూతురు ఇంత ఖరీదైన బహుమతినిచ్చే స్థాయికి ఎదిగినందుకు రాశి తల్లితండ్రులు పుత్రికోత్సాహంతో పొంగిపోయారు. కారుతో కలిసి రాశి కుటుంబసభ్యులు దిగిన ఫోటోలు ప్రస్తుతం నెట్టింట వైరల్ అవుతున్నాయి. తెలుగులో రాశి నాగ చైతన్య థాంక్యూ లోను, గోపీచంద్ పక్కా కమర్షియల్ చిత్రంలోనూ హీరోయిన్ గా నటిస్తుంది. ఈ రెండు సినిమాలు కూడా అతిత్వరలోనే విడుదల కానున్నాయి.
|
|