ఆ రోజే వస్తానంటున్న మెగాస్టార్.... సమంత, అఖిల్, నితిన్ ల పరిస్థితేంటో?
cinema | Suryaa Desk | Published : Tue, May 10, 2022, 04:48 PM
మెగాస్టార్ చిరంజీవి నటిస్తున్న 153వ చిత్రం గాడ్ ఫాదర్. మోహన్ రాజా దర్శకత్వం వహిస్తున్న ఈ చిత్రం మలయాళ సూపర్ హిట్ మూవీ లూసిఫర్ కు తెలుగు రీమేక్. నయనతార హీరోయిన్ గా నటిస్తున్న ఈ చిత్రంలో సత్యదేవ్ కీలక పాత్ర పోషిస్తున్నాడు. బాలీవుడ్ సూపర్ స్టార్ సల్మాన్ ఖాన్ ఒక కీలక అతిధి పాత్రలో నటిస్తున్నారు.
తాజా సమాచారం ప్రకారం, పక్కా కమర్షియల్ మూవీ గా తెరకెక్కిన ఈ చిత్రాన్ని ఈ ఏడాది ఆగస్టు 12వ తారీఖున విడుదల చేసే అవకాశం ఉందని తెలుస్తోంది. ఇండిపెండెన్స్ డే హాలిడేస్ ను క్యాష్ చేసుకునే అవకాశం తోపాటూ ఎటువంటి పెద్ద సినిమాలు కూడా విడుదల కాకపోవటంతో అప్పుడే ఈ సినిమాను విడుదల చేస్తారని రీసెంట్ టాక్. అదేనిజమైతే మెగాస్టార్ చిరంజీవి బ్యాక్ టు బ్యాక్ ఈ ఏడాది రెండు సినిమాలతో ప్రేక్షకులను అలరించనున్నారు. ఏడాదికి రెండు సినిమాలను విడుదల చేసే విధంగా చిరు ప్లాన్ చేసుకున్న తీరు మిగిలిన హీరోలకు సవాల్ విసురుతుంది.
అయితే, ఆగస్టు 12న తేదీన సమంత నటిస్తున్న యశోద చిత్రం, అఖిల్ నటిస్తున్న ఏజెంట్ చిత్రం, నితిన్ మాచర్ల నియోజకవర్గం చిత్రాలు కూడా విడుదల కానున్నాయి. ఒకే రోజు నాలుగు సినిమాలు విడుదలయ్యాయంటే, ధియేటర్ల వద్ద రద్దీ మాములుగా ఉండదు. బాక్సాఫీస్ వద్ద కలెక్షన్లు చీలుతాయనడం లో ఎలాంటి సందేహం లేదు. చిరంజీవి గాడ్ ఫాదర్ కు ఏమాత్రం హిట్ టాక్ వచ్చినా ఈ మూడు చిన్న సినిమాలు కూడా దుకాణం సర్దేయాల్సిన పరిస్థితి. అయితే, భవిష్యత్తులో ఈ సినిమాల రిలీజ్ డేట్లు మారతాయేమో చూడాలి. లేకపోతే బాక్సాఫీస్ క్లాష్ తప్పదు.
|
|