బర్త్ డే బాయ్ సుధీర్ బాబు ... అభిమానులకు స్పెషల్ సర్ప్రైజ్ గిఫ్ట్

ఘట్టమనేని నటవారసుడిగా సూపర్స్టార్ మహేష్ బాబు తర్వాత ఇండస్టీ ఎంట్రీ ఇచ్చిన మరో హీరో సుధీర్ బాబు. శివ మనసులో శృతి సినిమాతో 2012 లో టాలీవుడ్ ఎంట్రీ ఇచ్చిన సుధీర్ బాబు ఆపై హిందీ పరిశ్రమంలోనూ అడుగుపెట్టాడు. హిందీలో అయన చేసిన భాగీ (వర్షం రీమేక్) చిత్రానికి విమర్శల ప్రశంసలు అందాయి. ఇందులో సుధీర్ గోపీచంద్ పాత్రలో విలన్గా నటించాడు. పోతే,,,, తెలుగులో సుధీర్ బాబు ప్రేమకథాచిత్రం, సమ్మోహనం వంటి హిట్ చిత్రాలలో నటించాడు. గత కొంత కాలంగా వరస ఫ్లాప్ లతో ఇబ్బంది పడుతున్న సుధీర్ బాబు ఈసారి ఎలా అయినా హిట్ కొట్టాలనే కసితో వరసగా మూడు చిత్రాలను సెట్స్ పైకి తీసుకెళ్లాడు. అందులో ఒకటి మోహనకృష్ణ ఇంద్రగంటి దర్శకత్వంలో తెరకెక్కుతున్న ఆ అమ్మాయి గురించి మీకు చెప్పాలి, రెండోది మాజీ బ్యాడ్మింటన్ ప్లేయర్ పుల్లెల గోపీచంద్ బయోపిక్. 

తాజాగా సుధీర్ బాబు తన పుట్టినరోజును పురస్కరించుకుని తన మూడవ సినిమాను అధికారికంగా ప్రకటించాడు. మే 11న సుధీర్ బాబు 41 వ పుట్టినరోజును జరుపుకుంటున్నారు. ఈ మేరకు తన న్యూ మూవీ టైటిల్ పోస్టర్ను సోషల్ మీడియా వేదికగా కొద్దిసేపటి క్రితమే పోస్ట్ చేసారు. మామా  మశ్చీంద్ర అనే ఇంటరెస్టింగ్ టైటిల్ తో రాబోతున్న ఈ సినిమాకు హర్షవర్ధన్ దర్శకత్వం వహిస్తున్నారు. శ్రీ వెంకటేశ్వర సినిమాస్ ఎల్ ఎల్ పి బ్యానర్ పై నారాయణ్ దాస్ కె నారంగ్, పుష్కర్ రామ్మోహన్ సంయుక్తంగా నిర్మిస్తున్న ఈ చిత్రానికి చైతన్ భరద్వాజ్ సంగీతం అందిస్తున్నారు. తాజాగా విడుదలైన పోస్టర్ చూస్తుంటే, ఇందులో సుధీర్ బాబు రాక్ స్టార్ గా నటిస్తున్నట్టు తెలుస్తోంది. ఈ సినిమా హిందీలో కూడా తెరకెక్కబోతుంది.