'అల్లరి' నరేష్ నటప్రస్థానానికి 20 ఏళ్ళు... అభిమానులకు స్పెషల్ థాంక్యూ నోట్
cinema | Suryaa Desk | Published : Wed, May 11, 2022, 12:29 PM
లేట్ టాలీవుడ్ క్రేజీ దర్శకుడు ఈవివి సత్యనారాణయ వారసుడిగా చిత్రసీమకు ఎంట్రీ ఇచ్చాడు నరేష్. తొలి చిత్రం "అల్లరి" సినిమానే తన పేరు వెనక తగిలించుకునేంత మంచి గుర్తింపు తెచ్చుకున్నాడు. నరేష్ కెరీర్ లో చేసిన వాటిలో వినోద భరిత సినిమాలే ఎక్కువ. మధ్యమధ్యలో సపోర్టింగ్ రోల్స్ కూడా చేసి తనలోని నటుడిని పూర్తిగా ఆవిష్కరించుకున్నాడు. ఈ క్రమంలో చేసిన గమ్యం, మహర్షి, నాంది సినిమాలు నరేష్ కు విమర్శకుల ప్రశంశలనందించాయి.
తాజాగా నరేష్ తొలి చిత్రం అల్లరి సినిమా నిన్నటితో ఇరవై ఏళ్లను పూర్తి చేసుకుంది. ఈ మేరకు నరేష తన ట్విట్టర్ ఖాతాలో ఒక స్పెషల్ థాంక్యూ నోట్ ను షేర్ చేసాడు. అల్లరి సినిమాలో నటించిన తనతోటి నటీనటులకు, ఇన్నాళ్లు తనను కంటికి రెప్పలా చూసుకున్న కుటుంబసభ్యులకు, తనతో ప్రయాణం చేసిన చిత్రప్రముఖులకు, ముఖ్యంగా తనను ఇంతగా ఆదరిస్తున్న అభిమానులకు నరేష్ కృతజ్ఞతలను తెలియచేసారు. నరేష్ ప్రస్తుతం ఇట్లు మారేడుమిల్లి ప్రస్థానం, సభకు నమస్కారం సినిమాల్లో నటిస్తూ బిజీగా ఉన్నాడు.
|
|